Biełarus złaviŭ na Prypiaci vializnaha soma, kab zrabić fota i adpuścić
Rybak Jaŭhien Juchnik padzialiŭsia historyjaj svajoj niezvyčajnaj rybałki z partałam fishingby. Jon pryznaŭsia, što nie maje vialikaha dośviedu ŭ łoŭli soma, i da hetaha vypadku mieŭ tolki try takija sproby.
Pieršaja rybałka mužčyny ŭ rajonie Turava była ŭdałaj — tady jon złaviŭ šeść somaŭ vahoj ad 1,5 da 4,6 kh. Druhaja sproba nie dała plonu ŭvohule, a voś treciaja stała sapraŭdnym siurpryzam.
Soma Jaŭhien złaviŭ trolinham na vobler Rapala Dancer 110. Pavodle pakazčyka na vahach rybina paciahnuła na 40 kh, ale pakolki chvost jaje lažaŭ na ziamli i soma całkam padniać nie ŭdałosia, rybak miarkuje, što jahonaja sapraŭdnaja vaha — bližej da 50 kh. Sam som akazaŭsia navat daŭžejšy za rost rybaka (180 sm).
Paśla ŭzvažvańnia i fotasiesii rybinu adpuścili nazad u Prypiać.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary