U Siryi adbyvajucca mižkanfiesijnyja sutyknieńni, dziasiatki zahinułych
U Siryi ŭźniałasia vostraja chvala mižkanfiesijnaha hvałtu, u vyniku jakoj zahinuli bolš za 30 čałaviek, a jašče kala 100 byli paranieny. Asnoŭnyja sutyknieńni adbylisia ŭ horadzie Es-Suviejda na poŭdni krainy, dzie pieravažna žyvuć druzy. Heta pieršy taki vypadak u samim horadzie, choć kanflikty pamiž druzami i bieduinskimi plamionami ŭ vakolicach užo zdaralisia, piša Bi-bi-si.
Pavodle Siryjskaha centra manitorynhu pravoŭ čałavieka, siarod zahinułych — 27 druzaŭ (u tym liku dvoje dziaciej) i 10 bieduinaŭ. Kanflikt pačaŭsia paśla sieryi vykradańniaŭ, u tym liku druzskaha handlara, i pieraros u adkrytyja ataki z abodvuch bakoŭ. Bieduiny napadali na druzskija vioski, a druzy zachapili rajon Makvas. Praz sutyčki byŭ pierakryty asnoŭny aŭtašlach pamiž Damaskam i Es-Suviejdaj.
Siryjskija ŭłady nakiravali ŭ horad vojski. Šeść vajskoŭcaŭ užo zahinuli. Ministerstva ŭnutranych spraŭ abviaściła, što pačnie apieracyju dla naviadzieńnia paradku i zaklikała druzskuju supolnaść supracoŭničać ź siłami biaśpieki.
Ułady taksama adkłali školnyja ekzamieny ŭ Es-Suviejdzie, a hubiernatar i duchoŭnyja lidary zaklikali žycharoŭ da strymanaści.
Druzy — heta relihijnaja mienšaść, jakaja ŭmoŭna naležyć da šyickaha isłamu. Jany žyvuć u Siryi, Livanie, Iardanii i Izraili. U časy Bašara Asada šmat chto ź ich padtrymlivaŭ urad u nadziei na abaronu padčas hramadzianskaj vajny, jakaja doŭžycca ŭžo 13 hadoŭ.
Ciapier napady na mienšaści ŭ Siryi pačaścilisia. Miascovyja lidary raniej užo padpisvali pahadnieńni z novaj uładaj, kab spynić eskałacyju i zabiaśpiečyć abaronu svajoj supolnaści. Ale ciapierašnija padziei pakazvajuć, što napružańnie nie źnikła.
Kamientary