Prezident ZŠA Donald Tramp padpisaŭ ukaz ab admienie ekanamičnych sankcyj ZŠA suprać Siryi. Jak zajavili ŭ Biełym domie, heta rašeńnie źjaŭlajecca krokam na «šlachu da stabilnaści i miru», piša Bi-bi-si.
«ZŠA prychilnyja padtrymcy stabilnaj, adzinaj i žyvučaj u miry z saboj i svaimi susiedziami Siryi. Adzinaja Siryja, jakaja nie daje prytułak terarystyčnym arhanizacyjam i zabiaśpiečvaje biaśpieku svaich relihijnych i etničnych mienšaściej, budzie padtrymlivać rehijanalnuju biaśpieku i roskvit», — havorycca ŭ ukazie.
Sankcyi suprać źbiehłaha ŭ Rasiju byłoha prezidenta Siryi Bašara Asada, členaŭ jaho siamji i prychilnikaŭ zrynutaha režymu praciahvajuć dziejničać.
Tramp zajaviŭ, što zdymie sankcyi ź Siryi ŭ mai, pierad tym jak sustreŭsia ŭ Er-Ryjadzie z novym siryjskim lidaram Achmiedam aš-Šaraa. Bieły dom zajaviŭ, što budzie sačyć za dziejańniami novych uładaŭ Siryi, uklučajučy «pryniaćcie kankretnych mier pa narmalizacyi adnosin ź Izrailem». Ministr zamiežnych spraŭ Siryi Asaad al-Šybani zajaviŭ, što źniaćcie sankcyj likviduje pieraškody na šlachu adnaŭleńnia siryjskaj ekanomiki i adčynić krainu dla mižnarodnaj supolnaści.
U zajavie ministra finansaŭ ZŠA Skota Besienta havorycca, što ŭkaz ab źniaćci sankcyj daść siryjskamu narodu «mahčymaść pačać žyćcio nanova paśla źviaržeńnia žorstkaha režymu Asada».
«Siońniašnija dziejańni dapamohuć zabiaśpiečyć mahčymaść uźjadnańnia ekanomiki Siryi z suśvietnym handlem i adnaŭleńnia infrastruktury krainy», — zajaviŭ jon.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki21
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary