U Hiermanii rychtujuć skaračeńni sacyjalnych vypłat: biespracoŭnyja žyvuć lepš za tych, chto pracuje
Fiederalny kancler Hiermanii Frydrych Mierc zajaviŭ, što sučasnaja sacyjalnaja sistema krainy zanadta ščodraja, asabliva ŭ dačynieńni da biespracoŭnych. Jon ličyć, što tak praciahvacca nie moža, bo atrymlivajecca, što ludzi biez pracy atrymlivajuć ad dziaržavy stolki, što žyvuć lepš, čym zvyčajnyja pracoŭnyja siemji. Hetaja situacyja patrabuje reformy, i Mierc užo anansavaŭ źmieny, jakija pavinny aščadzić dla biudžetu bolš za 2 miljardy jeŭra štohod, piša Rzeczpospolita.
U svaim vystupleńni Mierc pryvioŭ prykład: čałaviek, jaki tolki što straciŭ pracu i zarehistravaŭsia na biržy, atrymlivaje nie tolki štomiesiačnuju dapamohu, ale i poŭnuju apłatu arendy kvatery — navat kali jana vialikaja i znachodzicca ŭ darahim rajonie.
U siarednim 1 m² u Hiermanii kaštuje 20 jeŭra na miesiac. Takim čynam, kali čałaviek žyvie ŭ kvatery płoščaj 100 m², dziaržava płacić 2000 jeŭra tolki za arendu.
Novaja viersija sacyjalnaj sistemy dapamohi biespracoŭnym, viadomaja jak Bürgergeld, była ŭviedzienaja sacyjał-demakratyčnym uradam Ołafa Šolca (SPD) niekalki hadoŭ tamu. Sistema praduhledžvaje ščodryja vypłaty: u 2024 hodzie, naprykład, adzinočka-biespracoŭny atrymlivaŭ 563 jeŭra, a siamiejnaja para — 1012 jeŭra ŭ miesiac. Dadatkova — vypłaty na dziaciej (naprykład, 471 jeŭra na padletka), poŭnaja apłata arendy i aciapleńnia.
Pavodle mierkavańnia krytykaŭ, Bürgergeld zrabiŭ pracu dla mnohich niepryvabnaj — bo ludzi mohuć atrymlivać paraŭnalna stolki ž ci navat bolš, nie pracujučy.
Pry hetym u niamieckaj ekanomicy raście «šery siektar» — šmat chto pracuje nielehalna, — i ŭ 2024 hodzie jon užo składaŭ 11,3 % VUP.
Taksama jość vypadki, kali biespracoŭnyja admaŭlajucca ad prapanavanych vakansij, a niekatoryja pracadaŭcy śpiecyjalna płaciać vielmi nizkija zarobki, viedajučy, što dziaržava ŭsio adno dapłacić hetym rabotnikam praź sistemu sacyjalnaj dapamohi.
Frydrych Mierc adkryta havoryć, što paśla letnich vakacyj urad pradstavić novyja skaračeńni sacyjalnych vypłat.
Jon rychtujecca da palityčnaj baraćby z sacyjał-demakratami, jakija pa-raniejšamu ličać, što dziaržava pavinna šyroka padtrymlivać tych, chto straciŭ pracu. Sacyjał-demakraty bajacca, što zanadta radykalnyja reformy mohuć adšturchnuć častku ich vybarcaŭ, asabliva siarod rabočaha kłasa i členaŭ prafsajuzaŭ.
U toj ža čas CHDS-CHSS spadziajecca, što vybarščyki padtrymajuć ideju bolš spraviadlivaj i adkaznaj sacyjalnaj palityki, dzie pracu zaachvočvajuć, a nie adachvočvajuć ad jaje.
«Maleńkaja pasłuha biełaruskim uładam». Deputaty «Alternatyvy dla Hiermanii» zrabili zapyt svajmu ŭradu pra finansavańnie «Bajsoła» i biełaruskich palitviaźniaŭ
«Hiermanija viartajecca»: budučy kancler Mierc damoviŭsia ab reformie abmiežavańniaŭ na dziarždoŭh
Novy ŭrad Hiermanii rychtujecca da rekordnych vydatkaŭ na vojska
Niamieckaja ekanomika pałamałasia, a «płana B» ni ŭ koha niama
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Kali poŭnaja arenda kvatery źjadaje hrošy, što ŭ sumie zastajecca stolki, kolki ŭ biespracoŭnaha - moža, z cenami na arendu prablemy, a nie ź biespracoŭnymi? Moža, cenami na arendu zaniacca treba?