«Maleńkaja pasłuha biełaruskim uładam». Deputaty «Alternatyvy dla Hiermanii» zrabili zapyt svajmu ŭradu pra finansavańnie «Bajsoła» i biełaruskich palitviaźniaŭ
Ich partyjec Jorha Dornau trapiŭ u skandał u Biełarusi: jon maje tut haspadarku pa vyroščvańniu cybuli, dzie vykarystoŭvajuć pracu palitviaźniaŭ.
Deputaty niamieckaj partyi «Alternatyva dla Hiermanii» (AfD), jakuju časta charaktaryzujuć jak prarasijskuju, nakiravali ŭ Bundestah zapyt, jaki tyčycca finansavańnia biełaruskaha fondu BYSOL i padtrymki palitviaźniaŭ ź Biełarusi, jakija znachodziacca ŭ Hiermanii. Pra heta paviedamiŭ zasnavalnik BYSOL Andrej Stryžak.
U zapycie deputaty AfD cikaviacca, ci finansujecca dziejnaść BYSOL za košt fiederalnaha biudžetu Hiermanii, ci atrymlivajuć byłyja palitviaźni ź Biełarusi niamieckija dziaržaŭnyja srodki. Akramia taho, jany prosiać pazicyju ŭrada adnosna vyzvaleńnia Siarhieja Cichanoŭskaha i jašče trynaccaci asob u suviazi ź vizitam śpiecyjalnaha pradstaŭnika prezidenta ZŠA Kita Kiełaha ŭ Biełaruś.
Taksama AfD zapytali, jak niamiecki ŭrad adreahavaŭ na prośby Hienieralnaj prakuratury Biełarusi ab pravavoj dapamozie ŭ tak zvanaj spravie pra hienacyd.
«Dziŭnaja ŭvaha z boku partyi, deputat jakoj zarablaje na pracy palityčnych aryštantaŭ u Biełarusi. Maleńkaja pasłuha biełaruskim uładam za vyraščanuju cybulku?» — napisaŭ Stryžak.
Stryžak maje na ŭvazie palityka AdH Jorha Dornau, jaki staŭ fihurantam skandału ź impartam cybuli ź Biełarusi. Na jaho pradpryjemstvu «Cybulka-Bieł» vykarystoŭvajuć prymusovuju pracu palitviaźniaŭ, sam jon taksama pryjazdžaje tudy čas ad času.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary