«Biełfarmacyja» nazvała fejkam infarmacyju pra nibyta niedachop lekaŭ u krainie
U aficyjnym telehram-kanale Ministerstva achovy zdaroŭja źjaviłasia videazajava hienieralnaha dyrektara RUP «Biełfarmacyja» Siarhieja Litoša. Jon zajaviŭ, što infarmacyja pra nibyta deficyt krytyčna važnych lekavych preparataŭ u krainie nie adpaviadaje rečaisnaści.
Pavodle infarmacyi Minzdaroŭja, u internecie raspaŭsiudžvajecca falšyvaje piśmo, jakoje nibyta dasłała «Biełfarmacyja». U hetym paviedamleńni śćviardžajecca, što ŭ Biełarusi niama šerahu važnych lekaŭ. Ale heta padrobka: piśmo było razasłana ź niadaŭna stvoranaha akaŭnta i nie maje ničoha supolnaha z aficyjnaj infarmacyjaj.
Siarhiej Litoš padkreśliŭ, što ŭsie nieabchodnyja leki prysutničajuć jak na aptečnych składach, tak i ŭ miedycynskich ustanovach. Sfarmiravanyja zapasy lekaŭ pakryvajuć ad 3 da 9 miesiacaŭ patreby, u tym liku jość insuliny i inšyja preparaty jak biełaruskaha, tak i zamiežnaha pachodžańnia.
Jon adznačyŭ, što fejkavy list byŭ stvorany z metaj raspalvańnia sacyjalnaj napružanaści, bo ŭ im zhadvajucca asabliva važnyja preparaty dla chvorych, naprykład, insulin.
Ciapier čytajuć
Rabotnicy «Minsk-Areny» dali kałoniju za «sadziejničańnie ekstremizmu»2
Rabotnicy «Minsk-Areny» dali kałoniju za «sadziejničańnie ekstremizmu»
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8989
Kamientary