Prezident ZŠA pa prybyćci ŭ Šatłandyju viečaram u piatnicu, 25 lipienia, zaklikaŭ jeŭrapiejcaŭ admovicca ad vietrahienierataraŭ i spynić mihracyju, paviedamlaje Deutsche Welle.
«Laciš nad Jeŭropaj — i paŭsiul bačyš hetyja vietraki, jakija psuć vašy pryhožyja pali i daliny i zabivajuć vašych ptušak», — skazaŭ Tramp u aeraporcie Hłazha Prestvik. Pavodle jaho słoŭ, vietrahienieratary taksama nanosiać škodu moru.
Tramp taksama zaklikaŭ Jeŭropu spynić «žudasnaje ŭvarvańnie» mihrantaŭ, jakoje, pavodle jaho śćviardžeńnia, razburaje Jeŭropu hetak ža, jak vietrahienieratary razburajuć pryhažość jeŭrapiejskich krain.
Tramp pahražaje ES pošlinami ŭ 30%
12 lipienia Donald Tramp zajaviŭ, što z 1 žniŭnia maje namier uvieści mytnyja pošliny ŭ 30% na pastaŭki tavaraŭ ź Jeŭrasajuza. Jon patłumačyŭ heta «adnym z samych surjoznych handlovych deficytaŭ» pamiž Brusielem i Vašynhtonam.
Kali jeŭrapiejskija kampanii i krainy «vyrašać budavać ci vyrablać pradukcyju ŭnutry ZŠA», jany nie trapiać pad handlovyja pošliny, paabiacaŭ tady respublikaniec. Ale jon pryhraziŭ simietryčnym adkazam, kali ES adkaža na heta pavyšeńniem svaich pošlin na amierykanskija tavary.
Praz dva dni ŭłady Jeŭrasajuza padrychtavali śpis amierykanskich tavaraŭ na 72 miljardy jeŭra, jakija trapiać pad pošliny, kali abvieščanyja Trampam miery ŭvojduć u siłu.
Ciapier čytajuć
Jaŭhiena Bułku abvinavačvajuć u machlarstvie ŭ Dubai na $1 miljon. A jon kaža, što sam paciarpieły9
Kamientary