Złučanyja Štaty mohuć skaracić kolkaść svaich vojskaŭ u Jeŭropie na 30%
Ciapierašniaja kolkaść amierykanskich vojskaŭ na kantyniencie vahajecca ad 90 000 da 100 000 čałaviek.
Złučanyja Štaty mohuć skaracić kolkaść svaich vojskaŭ u Jeŭropie na 30%, paviedamlaje Politico sa spasyłkaj na svaje krynicy.
Adznačajecca, što ZŠA pravodziać hłabalny ahlad siłavoj struktury (Global Force Posture Review) — maštabnuju pieraacenku vajskovaj prysutnaści ZŠA va ŭsim śviecie pad kiraŭnictvam Pientahona.
Jak adznačyła staršy navukovy supracoŭnik pa pytańniach palityki biaśpieki Niamieckaj rady pa źniešniaj palitycy Ajlin Matle, adnym ź vierahodnych vynikaŭ Hłabalnaha ahladu sił stanie vyvad pryblizna 20 000 amierykanskich vajskoŭcaŭ, adpraŭlenych u Jeŭropu ŭ 2022 hodzie pry tahačasnym prezidencie Džo Bajdenie paśla poŭnamaštabnaha ŭvarvańnia Rasii va Ukrainu.
Heta ŭsio roŭna pakinie značnuju amierykanskuju prysutnaść, adznačaje jana, dadaŭšy, što ciapierašniaja kolkaść amierykanskich vojskaŭ na kantyniencie vahajecca ad 90 000 da 100 000 čałaviek.
Adnak pavodle inšych dadzienych, skaračeńnie moža być značna macniejšym.
«Adzin čynoŭnik NATA, jaki pažadaŭ zastacca ananimnym, adkryta zajaviŭ vydańniu Politico, što mahčymym źjaŭlajecca skaračeńnie kolkaści vojskaŭ u Jeŭropie da 30%, što budzie aznačać bolš maštabnuju pierahrupoŭku». Pry hetym, jak piša Politico, mienavita Hiermanija siarod usich jeŭrapiejskich krain maje najbolš padstaŭ surjozna pastavicca da hetaha papiaredžańnia.
U Hiermanii znachodzicca značna bolš amierykanskich vajskoŭcaŭ, čym u luboj inšaj jeŭrapiejskaj krainie: kala 35 000 amierykanskich sałdat raźmieščana prykładna ŭ 35 municypalitetach. Da ich naležać avijabaza Ramštajn — centralny vuzieł pavietranych apieracyj i spadarožnikavaj suviazi ZŠA; Hrafienvior, jaki, pavodle źviestak vajskoŭcaŭ, źjaŭlajecca najbujniejšym vučebnym palihonam armii ZŠA pa-za miežami Złučanych Štataŭ, a taksama klučavy štab dla vajskoŭcaŭ.
Adnak, jak adznačyła Ajlin Matle, prysutnaść ZŠA ŭ Jeŭropie taksama słužyć intaresam Vašynhtona.
«Takija bazy, jak Ramštajn, vykarystoŭvajucca nie tolki dla jeŭrapiejskaj abarony, — zajaviła jana ŭ intervju Politico, — ale i dla prajecyravańnia siły na Blizki Uschod i, u peŭnaj stupieni, u Afryku». Naprykład, Jeŭropa słužyła «turnikietam» dla amierykanskaj vajskovaj techniki ŭ inšyja častki śvietu.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Adnoje čaho nie mahu zrazumieć - čamu da ludziej jašče nie dajšło što budzie vialikaja vajna - Kitaj + satelity vs ZŠA + ES + Kanada, Vielikabrytanija, Japonija, Aŭstralija i Kareja?