U BDU 26 lipienia adbyłosia zaličeńnie na dzionnuju i zavočnuju formy šerahu śpiecyjalnaściaŭ niekatorych fakultetaŭ: histaryčnaha, žurnalistyki, fiłałahičnaha, sacyjakulturnych kamunikacyj, jurydyčnaha, paviedamlaje pres-słužba BDU.
Na śpiecyjalnaść «hrafičny dyzajn i multymiedyjny dyzajn» fakulteta sacyjakulturnych kamunikacyj pry konkursie 14,9 čałavieka na miesca zaličana 10 abituryjentaŭ, siarod ich 2 — biez ekzamienaŭ, 1 — pa-za konkursam i 1 — pa metavym pryjomie. Prachadny bał skłaŭ 254.
Taksama na dadzienuju śpiecyjalnaść na skaročany termin navučańnia zaličana 6 abituryjentaŭ, siarod ich 1 — biez ekzamienaŭ i 1 — pa-za konkursam. Prachadny bał skłaŭ 251.
Na śpiecyjalnaść «dyzajn stroju i tekstylu» zaličana 6 abituryjentaŭ, siarod ich 1 — pa metavym pryjomie. Prachadny bał skłaŭ 234.
Na śpiecyjalnaść «dyzajn pradmietna-prastoravaha asiarodździa» zaličana 10 abituryjentaŭ. Prachadny bał — 229.
Na hrupu śpiecyjalnaściej histaryčnaha fakulteta pa abjadnanym konkursie zaličana 118 čałaviek, siarod ich 24 — biez ekzamienaŭ, 12 — pa metavym pryjomie, 1 — pa-za konkursam. Na asobnyja śpiecyjalnaści prachadnyja bały skłali:
- — «rehijonaznaŭstva» — 374;
- — «historyja» — 347;
- — «muziejnaja sprava i achova historyka-kulturnaj spadčyny» — 324;
- — «archiŭnaja sprava» — 322;
- — «kiravańnie dakumientami» — 315.
Na śpiecyjalnaść «žurnalistyka» fakulteta žurnalistyki zaličana 80 abituryjentaŭ, siarod ich 10 čałaviek pryniaty pa metavym pryjomie i 1 — pa-za konkursam. Prachadny bał skłaŭ 341.
Na hrupu śpiecyjalnaściej «ruskaja fiłałohija» i «słavianskaja (słavianskaja i ruskaja) fiłałohija» fiłałahičnaha fakulteta zaličana 45 abituryjentaŭ. Siarod ich 18 pryniaty biez ekzamienaŭ, 9 — pa metavym pryjomie. Na asobnyja śpiecyjalnaści prachadnyja bały skłali:
- — «ruskaja fiłałohija» — 337;
- — «słavianskaja (słavianskaja i ruskaja) fiłałohija» — 328.
Na hrupu śpiecyjalnaściej «biełaruskaja fiłałohija» i «słavianskaja (słavianskaja i biełaruskaja) fiłałohija» pa ahulnym konkursie zaličana 24 abituryjenty, siarod ich 9 pryniaty biez ekzamienaŭ i 1 — pa metavym pryjomie.
Na śpiecyjalnaściach prachadny bał skłaŭ:
- — «słavianskaja (słavianskaja i biełaruskaja) fiłałohija» — 338;
- — «biełaruskaja fiłałohija» — 322.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary