Znakamityja krejdavyja karjery, viadomyja pad umoŭnaj nazvaj «Biełaruskija Maldyvy» pad Vaŭkavyskam mohuć atrymać status pomnika pryrody. Pra heta BiełTA raskazaŭ zahadčyk siektara zapaviednaj spravy NPC NAN Biełarusi pa bijaresursach Uładzimir Uścin.
Padrychtoŭkaj navukovaha i navukova-techničnaha abhruntavańnia ab nadańni statusu hieałahičnaha pomnika pryrody miascovaha značeńnia krejdavym karjeram u Vaŭkavysku pad nazvaj «Krasnasielskija Maldyvy» zajmaŭsia kalektyŭ siektara zapaviednaj spravy Navukova-praktyčnaha centra NAN Biełarusi pa bijaresursach. Na padstavie hetaha abhruntavańnia dalej budzie prymacca rašeńnie ab ustanaŭleńni hetaha statusu.
Pavodle słoŭ Uładzimira Uścina, dla pryniaćcia takoha rašeńnia jość niekalki pryčyn.
«Pieršaja — inicyjatyva ziemlekarystalnika. Heta, u tym liku, «AAT Krasnasielskbudmateryjały», jaki ekspłuatavaŭ krejdavyja karjery, to bok ažyćciaŭlaŭ zdabyču, a taksama miascovyja orhany ŭłady. Jość asnoŭnaja zadača — zachavać kompleks dla nastupnaha navukovaha vyvučeńnia. U nas jość šerah navukovych publikacyj. Navukoŭcy, bijołahi, bataniki, zaołahi daśledujuć, jak adbyvajecca pieršasnaja sukcesija na hetych terytoryjach (źmiena adnoj bijałahičnaj supołki inšaj u vyniku ŭździejańnia čałavieka). Heta adzin sa sposabaŭ adnaŭleńnia ekasistem i davoli važny aśpiekt.
Druhaja pryčyna — turystyčnaja. Kali karjery buduć pomnikam pryrody, heta daść mahčymaść umierana vykarystoŭvać hetyja terytoryi jak dla ekałahičnaha, tak i dla inšych vidaŭ turyzmu. Pry hetym nieabchodny racyjanalny padychod: treba budzie vyłučyć učastki, peŭnyja zony, dzie možna arhanizavać dadatkovyja ahladnyja placoŭki, raźmiaścić pałatki dla kiempinhu, — patłumačyŭ pradstaŭnik NAN.
-
«Jašče adna dyviersija ŭ Jeŭropie na naftapierapracoŭčym zavodzie». Dla čaho hety novy fejk prapahandy?
-
Zavod «Haryzont» i dočki rasijskich bankaŭ trapili pad sankcyi Jeŭrasajuza
-
Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu
Ciapier čytajuć
Dźvie trahiedyi ŭ adnoj siamji. Rodnaja babula i susiedzi pra źnikłuju ŭ Mjanmie Vieru Kraŭcovu i niaščaście, što zdaryłasia čatyry hady tamu3
Kamientary
Jaki soram. Jany i ŭ aficyjnaj naźvie pomnika žadajuć zamacavać hety niea-taponim z pravincyjnymi kompleksami. Znajdzicie adekvatnuju miascovuju nazvu, nie šukajcie psieŭda maldyvy, šviejcaryi, viersali i h.d.