Šalonaja čarha na vyjezd u Polšču tolki raście. Voś kolki daviadziecca čakać, kab trapić u Jeŭrasajuz na aŭto
Tydzień tamu čarha była amal u try razy mienšaja.
Šalonyja čerhi viarnulisia
Pa stanie na 14 hadzin paniadziełka, 4 žniŭnia, vyjezdu ź Biełarusi ŭ Polšču čakaje 2115 lehkavych mašyn.
Čarha pačała prykmietna pavialičvacca ź piatnicy i ŭžo nočču suboty pieravysiła adznaku ŭ 2000 mašyn. Papiaredni raz bolš za 2000 lehkavikoŭ u čarzie na ŭjezd u Polšču było 1 lipienia.
U tematyčnych čatach ludzi skardziacca, što za apošnija sutki źniziłasia kolkaść mašyn, aformlenych za 24 hadziny. Kali spačatku vyklikali da 560 mašyn, to za apošnija sutki — tolki 383, dzielacca nazirańniami padarožniki.
Inšyja vyvodziać siaredniuju ličbu ŭ 422 aŭto za sutki. Atrymlivajecca, što z ulikam času na prachodžańnie samoj miažy trapić u Polšču, zaniaŭšy čarhu ciapier, možna budzie nie raniej čym praź piać sutak.
Dla tych, chto maje hrošy i nie maje času čakać da 4—5 dzion, isnujuć pamahatyja, jakija dapamahajuć prajechać hranicu pa pryjarytecie. Kali čarha na vyjezd bolšaja za 2000 mašyn, to za takija pasłuhi prosiać 200 jeŭra. Kali mienšaja, to možna znajści achvotnych pierasiekčy miažu i za 100 jeŭra.
U zvarotnym kirunku čarha, prynamsi pakul, nie takaja vialikaja. Tyja, chto ranicaj u paniadziełak viartalisia ŭ Biełaruś, pišuć, što na prastoj u čarzie i prachodžańnie miažy ŭ ich syšło 17 hadzin.
Samo prachodžańnie miažy na aŭto zajmaje kala 9 hadzin.
Aŭtobusy
Na vyjezd ź Biełarusi ŭ Polšču naličvajecca 45 aŭtobusaŭ i kala 30 — u zvarotnym kirunku. Tak, naprykład, aŭtobus, jaki vyjechaŭ a 9-j ranicy 3 žniŭnia z Varšavy, u Biełaruś trapiŭ tolki a 9-j ranicy 4 žniŭnia. Bolš za 20 hadzin zaniała mienavita čarha (aŭtobus byŭ 30-m) i prachodžańnie kantrolu.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary