Niekalki dziasiatkaŭ čałaviek pratestavali ŭ Vilni suprać Ofisa Cichanoŭskaj
Akcyja nasuprać MZS krainy była arhanizavanaja deputatam Siejma, nacyjanalistam Vitaŭtasam Sinicaj, piša Sota.
Asnoŭnyja pretenzii pratestoŭcaŭ byli pryśviečanyja dvum punktam: baraćbie z tak zvanym «litvinizmam» i pretenzijam da nibyta nieefiektyŭnaści Ofisa Cichanoŭskaj, jaki padtrymlivaje litoŭski ŭrad.
Za druhi tezis adkazvaŭ sam Sinica, a dla raskryćcia pieršaha jaho prychilnik zładziŭ doŭhi histaryčny ekskurs sa šmatrazovym zhadvańniem kryvičoŭ, žamojtaŭ i roznych histaryčnych abstavinaŭ.
Pry hetym u natoŭpie znajšoŭsia i jak minimum adzin prychilnik Cichanoŭskaj, jaki prynios płakat sa słovami padziaki Litvie za padtrymku. Mužčyna rastłumačyŭ, što admiena statusu Cichanoŭskaj u Litvie pakinie biełarusaŭ u krainie biez abarony, jak heta ciapier, na jaho dumku, adbyvajecca ŭ Polščy.
Akcyja doŭžyłasia kala paŭhadziny, ad jaje dystancyjavałasia partyja samoha Sinicy «Nacyjanalnaje adzinstva», jakaja nie prajšła raniej u parłamient Litvy.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im12
Kamientary
Aaa, na schodkach jabaciek, jakija ładzili łukašysty ŭ žniŭni 20-ha hoda