Murataŭ paprasiŭ Trampa i Papu dabicca vyzvaleńnia rasijskich palitviaźniaŭ
Łaŭreat Nobieleŭskaj premii miru, suzasnavalnik i były hałoŭny redaktar rasijskaj «Novoj haziety» Dźmitryj Murataŭ źviarnuŭsia da Donalda Trampa i Papy Lva XIV z prośbaj uklučyć u mahčymyja pieramovy pamiž Rasijaj i Ukrainaj punkt pra palitviaźniaŭ.
Dźmitryj Murataŭ prapanavaŭ, kab rasijski kiraŭnik Uładzimir Pucin pamiłavaŭ tych viaźniaŭ, jakija apynulisia ŭ turmie za toje, što vystupali suprać vajny va Ukrainie, a prezident Ukrainy Uładzimir Zialenski — asudžanych prychilnikaŭ «ruskaha śvietu», jakija nie ździajśniali hvałtoŭnych złačynstvaŭ.
Na dumku Muratava, taki humanny krok moh by vyratavać sotni žyćciaŭ i dapamahčy ludziam, jakija znachodziacca za kratami tolki za svajo mierkavańnie.
Taksama paviedamlajecca, što 1 žniŭnia byłyja rasijskija palitviaźni, vyzvalenyja ŭ 2024 hodzie padčas abmienu z ZŠA, padpisali dekłaracyju z zaklikam da suśvietnych lidaraŭ uličvać pytańnie palityčnych źniavolenych u lubych pieramovach z Rasijaj i Biełaruśsiu.
Nobieleŭski łaŭreat Dźmitryj Murataŭ zaklikaŭ Pucina i Zialenskaha pravieści abmien cyvilnymi asobami
Nobieleŭskija łaŭreaty zaklikali Trampa i suśvietnych lidaraŭ damahčysia vyzvaleńnia ŭsich palitviaźniaŭ u Biełarusi
Pucin choča, kab Ukraina pryznała za im uvieś Danbas?
Tramp i Pucin mohuć sustrecca ŭ paniadziełak
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»24
Kamientary
1) "iakija apynulisia ŭ turmie za toje, što vystupali suprać vajny va Ukrainie";
2) "prychilnikaŭ «ruskaha śvietu», jakija nie ździajśniali hvałtoŭnych złačynstvaŭ".
Nielha pryraŭnoŭvać pieršych i druhich, nibyta abiedźvie katehoryi siadziać "tolki za mierkavańnie".
Pieršyja siadziać za toje, što byli suprać vajny, druhija byli za vajnu. Raspalvańnie vajny - kryminalnaje złačynstva, heta nie prosta słovy, "mierkavańnie".
U hetym sensie "dobry ruski" značna pamyliŭsia.
Mahu zrazumieć, kali tolki hetaja prapanova - niešta nakštałt abmienu źniavolenymi.