Cichanoŭski raskazaŭ, što płanuje rabić padčas vizitu ŭ ZŠA i čym jamu dapamoh Prakopjeŭ
U kułuarach kanfierencyi «Novaja Biełaruś» u Varšavie Siarhiej Cichanoŭski raskazaŭ padrabiaznaści pra svoj zapłanavany vizit u ZŠA.
Siarhiej Cichanoŭski ŭ kamientary «Našaj Nivie» adznačyŭ, što padčas svajho vizitu ŭ ZŠA, jaki zapłanavany na vierasień, płanuje sustrakacca i ź miascovymi palitykami, i ź biełaruskaj dyjasparaj.
«Jašče adzin kirunak, jaki prapanavała naša dyjaspara, heta vystupleńni va ŭniviersitetach ZŠA. U ich pryniata, kali ŭniviersitet zaprašaje, to jon apłačvaje pieralot, hatel i niejki hanarar. Heta častkova moža być našym rašeńniem prablem z łahistykaj», — skazaŭ jon.
Razam z kamandaj — jaho pamočnikam i apierataram — Cichanoŭski zajedzie jak minimum u Ńju-Jork, Vašynhton, Fiładelfiju, Majami i Čykaha. Taksama jany naviedajuć Kanadu.
Vizit u Paŭnočnuju Amieryku budzie doŭžycca kala miesiaca i moža skončycca ŭ kastryčniku, ale padrabiaznaściaŭ pakul niama.
U ZŠA Cichanoŭski pabačycca z hramadskim dziejačam i byłym minskim restarataram Vadzimam Prakopjevym. Toj «dapamoh troški ź biletami ŭ ZŠA, svaimi finansami».
«Jon choča troški mianie padrychtavać, pravieści likbiez — tydniovy treninh pa amierykanskaj palitycy, unutranaj i źniešniaj. Raskazać svajo mierkavańnie, jak treba ruchacca», — dadaŭ Cichanoŭski.
Błohier kaža, što jaho asnoŭnaja meta vizitu ŭ ZŠA — vyzvaleńnie palitźniavolenych.
«U mianie jość svaje idei, jakija nijak nie źviazanyja z Prakopjevym. I ja chaču hetyja idei danieści da administracyi Trampa. Chaču padziakavać Donaldu Trampu za svajo vyzvaleńnie», — adznačyŭ Cichanoŭski.
Svaje idei Cichanoŭski pakul nie raskryvaje.
-
U RCAP u Ratamcy rastłumačyli, čamu ŭładalnikam koniej nie praciahnuli damovy
-
«Maja pazicyja adnosna siłavikoŭ paśla pieramohi prostaja». Eks-palitviazień pra škłoŭskuju kałoniju, padpolle i «karelickuju spravu»
-
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać10
Kamientary