Namieśnik kiraŭnika Administracyi Pucina zaklikaŭ jaho spynić vajnu
Dźmitryj Kazak prapanoŭvaŭ sioleta nieadkładna pravieści mirnyja pieramovy.
Namieśnik kiraŭnika Administracyi prezidenta Rasii Dźmitryj Kazak zaklikaŭ sioleta Pucina spynić vajnu, piša The New York Times sa spasyłkaj na krynicy.
Kazak prapanavaŭ Pucinu nieadkładna spynić bajavyja dziejańni i pravieści mirnyja pieramovy. Jon taksama nastojliva zaklikaŭ Pucina pravieści ŭnutranyja reformy — u tym liku ŭzmacnić kantrol za rasijskimi siłavikami i stvaryć niezaležnyja sudy.
Jaho pazicyja pakazvaje rasčaravańnie častki rasijskaj elity tym, što Pucin nie choča spyniać vajnu.
Raniej Kazak kuryravaŭ intehracyju Kryma ŭ skład Rasii paśla aneksii. A pierad poŭnamaštabnaj vajnoj vioŭ pieramovy z Kijevam pa Danbasie.
NYT piša, što ŭ atačeńni Pucina Kazak — adziny vysokapastaŭleny čynoŭnik, jaki adkryta nie pahadziŭsia z vajnoj.
Blizkija da Kramla krynicy vydańnia paviedamili, što Kazak paśla pačatku poŭnamaštabnaj vajny adhavorvaŭ Pucina ad jaje. Jon šukaŭ arhumienty, jakija mahli b pierakanać Pucina.
Kali raniej Kazak kuryravaŭ adnosiny Rasii z Małdovaj, samaabvieščanaj Abchazijaj, to paśla vykazvańnia jaho pazicyi hetyja paŭnamoctvy pieradali inšamu čynoŭniku.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary
Kali nie buduć rezka suprać, to i sprabavać prypynić vajnu (jasna, što časova). Maŭlaŭ, "elity" za toje.