Pieršyja šeść miesiacaŭ 2025 hoda akazalisia ŭdałymi dla najbujniejšaha biełaruskaha rytejlera. Kampanija «Jeŭrahandal», jakaja kiruje handlovymi sietkami «Jeŭraopt», «Chit!» i «Hrošyk», u paraŭnańni z anałahičnym pieryjadam minułaha hoda značna pavialičyła jak vyručku, tak i prybytak. Spravazdača roźničnaha apieratara apublikavana na sajcie JEPFR.
Pavodle hetych danych, za pieršaje paŭhodździe kampanija zarabiła bolš za 4,455 młrd rubloŭ. Heta na 7,8% bolš, čym za studzień — červień 2024 hoda. Tady vyručka aceńvałasia ŭ 4,13 młrd.
Čysty prybytak rytejlera skłaŭ za šeść miesiacaŭ bolš za 176,8 młn rubloŭ, što na 10,3% pieravyšaje pakazčyk pieršaha paŭhodździa 2024-ha (kala 160,3 młn). Pry hetym vałavaja prybytkovaść vyrasła jašče bolš — amal na 12%.
Niadrenna vyhladajuć i inšyja finansavyja pakazčyki «Jevrahandlu». Naprykład, za apošnija 12 miesiacaŭ kampanija prykładna na 35% skaraciła kiraŭnickija vydatki.
Paŭhadavaja spravazdača źjaŭlajecca skaročanaj u paraŭnańni z hadavoj, tamu infarmacyi pra kolkaść rabotnikaŭ i handlovych płoščaŭ u joj niama. Na pačatak 2025 hoda ŭ «Jeŭrahadlua» było 1139 kram.
Roźničnaja vyručka charčovych kram rytejlera pa vynikach 2024 hoda składała 7,836 młrd rubloŭ.
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»6
Kamientary