Tramp pahražaje Pucinu «surjoznymi nastupstvami», kali toj admovicca spynić vajnu paśla samitu na Alascy
Prezident ZŠA Donald Tramp zajaviŭ, što kali na pryznačanym na piatnicu samicie na Alascy Uładzimir Pucin admovicca spynić vajnu va Ukrainie, heta paciahnie za saboj «vielmi surjoznyja nastupstvy». Jon padkreśliŭ, što takija miery buduć niepaźbiežnymi, adkazvajučy na pytańnie žurnalista padčas bryfinhu.
Tramp dapuściŭ, što pry paśpiachovym vyniku pieramoŭ z Pucinym moža adbycca trochbakovaja sustreča z udziełam prezidenta Ukrainy Uładzimira Zialenskaha. Adnak jon adznačyŭ, što kali «nie atrymaje nieabchodnych adkazaŭ» ad rasijskaha lidara, to druhoj sustrečy nie budzie.
Pry hetym Tramp pryznaŭ, što sumniajecca ŭ mahčymaści pierakanać Pucina spynić vajnu, zhadaŭšy, što paśla nibyta dobrych razmoŭ ź im bačyŭ novyja ataki i hibiel ludziej.
Amierykanski lidar vysoka acaniŭ svoj siońniašni dyjałoh ź Zialenskim i jeŭrapiejskimi kiraŭnikami — «10 bałaŭ z 10». Ministr finansaŭ ZŠA Skot Biesent paviedamiŭ, što ŭ vypadku pravału pieramoŭ Vašynhton moža ŭzmacnić sankcyi suprać Rasii i pavialičyć druhasnyja taryfy dla jaje handlovych partnioraŭ, zaklikaŭšy ES dałučycca da hetych mier.
Napiaredadni sustrečy z Pucinym Tramp pravioŭ videakanfierencyju ź Zialenskim i lidarami Jeŭropy. Pavodle słoŭ Zialenskaha, Tramp hatovy dać Kijevu harantyi biaśpieki ŭ miežach mahčymaj mirnaj damovy. Prezident Francyi Emanuel Makron dadaŭ, što Tramp zajaviŭ: terytaryjalnyja pytańni buduć abmiarkoŭvacca tolki pry ŭdziele Ukrainy.
Sustreča Trampa i Pucina zapłanavanaja na 15 žniŭnia i projdzie ŭ Ankorydžy na Alascy. Napiaredadni jaje ZŠA časova źniali z Rasii abmiežavańni na finansavyja tranzakcyi, źviazanyja z padrychtoŭkaj da samitu. Pasłableńnie dziejničaje da 20 žniŭnia 2025 hoda i achoplivaje tolki miery, jakija niepasredna źviazanyja z sustrečaj Trampa i Pucina. Jano nie praduhledžvaje razmarožvańnia zamarožanych aktyvaŭ abo źniaćcia sankcyj.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary