U Sierbii adbylisia sutyknieńni pamiž apazicyjaj, prychilnikami prezidenta i palicyjaj, paranieny dziasiatki čałaviek
U niekalkich haradach Sierbii adbylisia masavyja sutyknieńni apazicyjnych demanstrantaŭ z prychilnikami prezidenta Vučyča i palicyjaj. Pavodle danych uładaŭ, paranieny dziasiatki čałaviek z usich troch bakoŭ, piša Bi-bi-si.
Sutyčki praciŭnikaŭ prezidenta Alaksandra Vučyča z členami jahonaj Sierbskaj prahresiŭnaj partyi i palicyjaj u sieradu adbyvalisia ŭ stalicy Białhradzie, u Novi-Sadzie na poŭnačy Sierbii, u Nišy na poŭdni, u Krahujevacy ŭ centry krainy i ŭ niekalkich inšych haradach.
Baki, sabraŭšysia kala miascovych ofisaŭ prezidenckaj partyi, abstrelvali adno adnaho fiejervierkami, zakidvali pietardami, kamianiami i roznymi pradmietami, pačynali bojki, a palicyja sprabavała ich raźniać i padzialić.
Prezident Vučyč viečaram sierady zajaviŭ, što ŭ Novi-Sadzie traŭmy atrymali 64 jaho prychilniki i paabiacaŭ, što litaści «bandytam i chulihanam» nie budzie. Vučyč asabista vyjšaŭ na vulicu da členaŭ svajoj partyi, sabranych kala štab-kvatery ŭ Białhradzie.
Šef sierbskaj palicyi Drahan Vasiljevič abviaściŭ, što tolki ŭ haradku Vrbas na poŭnačy krainy ŭ sutyknieńniach byli paranieny 16 palicejskich i 50 demanstrantaŭ.
Jak adznačaje Sierbskaja słužba Bi-bi-si, sutyknieńni prynamsi ŭ Novi-Sadzie praciahvalisia da pozna, i dakładnaja kolkaść paciarpiełych pakul nieviadomaja.
Sierbskaja apazicyja na čale sa studenckimi arhanizacyjami pravodzić akcyi pratestu ŭžo dzieviać miesiacaŭ. Jany pačalisia paśla taho, jak z 1 listapada na vakzale Novi-Sada abrynuŭsia žalezabietonny kazyrok i zabiŭ 16 čałaviek.
Demanstranty patrabujuć pakarać vinavatych u hetaj trahiedyi, uzmacnić baraćbu z karupcyjaj, a taksama abviaści pazačarhovyja vybary.
Pakul što jany damahlisia adstaŭki premjer-ministra, ale prezident Vučyč sychodzić u adstaŭku nie źbirajecca.
Jak adznačaje Sierbskaja słužba Bi-bi-si, sutyknieńni prynamsi ŭ Novi-Sadzie praciahvalisia da poźniaj nočy, i dakładnaja kolkaść paciarpiełych pakul nieviadomaja.
Sierbskaja apazicyja na čale sa studenckimi arhanizacyjami pravodzić akcyi pratestu ŭžo dzieviać miesiacaŭ. Jany pačalisia paśla taho, jak z 1 listapada na vakzale Novi-Sada abrynuŭsia žalezabietonny navies i zabiŭ 16 čałaviek.
Demanstranty patrabujuć pakarać vinavatych u hetaj trahiedyi, uzmacnić baraćbu z karupcyjaj, a taksama abviaści pazačarhovyja vybary.
Pakul što jany damahlisia adstaŭki premjer-ministra, ale prezident Vučyč sychodzić u adstaŭku nie źbirajecca.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam20
Kamientary