U Sierbii raście napružańnie: pratestoŭcy padpalvajuć ofisy praviačaj partyi
16 žniŭnia ŭ roznych haradach Sierbii znoŭ uspychnuli žorstkija sutyknieńni pamiž udzielnikami antyŭradavych pratestaŭ i palicyjaj. Jak paviedamlaje Associated Press, najbolš napružanaja situacyja ŭźnikła ŭ zachodnim horadzie Valevie, kala 100 km ad Białhrada.
Hrupa maładych ludziej z zakrytymi tvarami skandavała łozunhi suprać prezidenta krainy Alaksandra Vučyča, zakidała fajerami ofis jaho kirujučaj Sierbskaj prahresiŭnaj partyi i padpaliła budynak. Paśla hetaha pačalisia sutyknieńni z atradami palicyi.
Siłaviki ŭžyli ślezaciečny haz i pajšli ŭ ataku na demanstrantaŭ, jakija adkazvali butelkami, kamianiami i fajerami.
Padobnyja sutyknieńni adbylisia ŭviečary taksama ŭ Novi-Sadzie i ŭ Białhradzie, dzie pratestoŭcy padpalvali śmiećcievyja kantejniery, a palicyja znoŭ užyła haz.
Pavodle palicyi, u Valevie paciarpieŭ jak minimum adzin palicejski i byli zatrymanyja 18 čałaviek. «Budzie bolš zatrymańniaŭ. Usie, chto parušyŭ zakon, buduć aryštavanyja», — zajavili ŭ MUS.
Kamientary