У Сербіі расце напружанне: пратэстоўцы падпальваюць офісы правячай партыі
16 жніўня ў розных гарадах Сербіі зноў успыхнулі жорсткія сутыкненні паміж удзельнікамі антыўрадавых пратэстаў і паліцыяй. Як паведамляе Associated Press, найбольш напружаная сітуацыя ўзнікла ў заходнім горадзе Валеве, каля 100 км ад Бялграда.
Група маладых людзей з закрытымі тварамі скандавала лозунгі супраць прэзідэнта краіны Аляксандра Вучыча, закідала фаерамі офіс яго кіруючай Сербскай прагрэсіўнай партыі і падпаліла будынак. Пасля гэтага пачаліся сутыкненні з атрадамі паліцыі.
Сілавікі ўжылі слезацечны газ і пайшлі ў атаку на дэманстрантаў, якія адказвалі бутэлькамі, камянямі і фаерамі.
Падобныя сутыкненні адбыліся ўвечары таксама ў Нові-Садзе і ў Бялградзе, дзе пратэстоўцы падпальвалі смеццевыя кантэйнеры, а паліцыя зноў ужыла газ.
Паводле паліцыі, у Валеве пацярпеў як мінімум адзін паліцэйскі і былі затрыманыя 18 чалавек. «Будзе больш затрыманняў. Усе, хто парушыў закон, будуць арыштаваныя», — заявілі ў МУС.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары