Ad anamalnaj śpioki ŭ Jeŭropie za tydzień zahinuli bolš za 1300 čałaviek
Bolš za 1300 čałaviek zahinuli ŭ Jeŭropie z-za ekstremalnaj śpioki z 21 červienia. Pra heta paviedamiŭ hiendyrektar Suśvietnaj arhanizacyi achovy zdaroŭja Tedras Hiebrejesus.
Jeŭropa, adznačyŭ jon, źjaŭlajecca samym chutka nahravajučymsia kantynientam, dzie tempieratura raście ŭdvaja chutčej za siaredniesuśvietnyja pakazčyki. Ciapier kala 150 młn čałaviek žyvuć va ŭmovach ekstremalnaj śpioki, zakryvajucca škoły, a enierhasistemy adčuvajuć pavyšanuju nahruzku.
«Ciepłavy stres časta nazyvajuć «cichim zabojcam», i jeŭrapiejskija damy, pracoŭnyja miescy i škoły nie raźličany na takija tempieratury», — dadaŭ jon.
Pavodle Reuters, pryčynaj ekstremalna vysokich tempieratur staŭ tak zvany amieha-błok — atmaśfiernaja źjava, pry jakoj haračaje pavietra nadoŭha zatrymlivajecca nad rehijonam.
Śpioka pavinna adstupić u druhoj pałovie tydnia.
U Biełarusi taksama trymajecca mocnaja śpioka, učora ŭ Breście było +37,6, što jość absalutnym rekordam červienia za 145 hadoŭ mieteanazirańniaŭ.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary