Žychar Minska vyraściŭ u lesie kust kanoplaŭ. A pačałosia ŭsio z kormu dla papuhaja
U sud pieradadziena kryminalnaja sprava ŭ dačynieńni da 39‑hadovaha žychara Minska, jakoha abvinavačvajuć u niezakonnym nabyćci, pieravozcy i zachoŭvańni narkatyčnych srodkaŭ biez mety zbytu, piša ahienctva «Minsk-Naviny».
Pavodle materyjałaŭ spravy, letam 2025 hoda mužčyna kupiŭ korm dla svajho papuhaja. Jon śćviardžaje, što ŭ składzie kormu byli nasieńnie raślin rodu Cannabis. Paśla taho častku nasieńnia jon sprabavaŭ praraścić doma, ale biespaśpiachova.
Paśla astatniaje nasieńnie mužčyna vysiejaŭ u lesapałasie ŭ Minskim rajonie. Praź niekatory čas jon viarnuŭsia na hetaje miesca i znajšoŭ kust kanoplaŭ vyšynioj kala troch mietraŭ. Raślinu jon vykapaŭ, pryvioz dadomu, abarvaŭ liście i pakinuŭ jaho sušycca.
Padčas pieratrusu supracoŭniki narkakantrolu znajšli ŭ jaho doma bolš za 100 hramaŭ hatovaj da ŭžyvańnia marychuany, a taksama prystasavańni dla kureńnia. Paśla hetaha była zaviedziena kryminalnaja sprava.
Pavodle prakuratury, abvinavačany raniej nie byŭ sudzimy i aficyjna nie pracuje. Jamu vystavili abvinavačańnie pavodle č. 1 art. 328 Kryminalnaha kodeksa Biełarusi. Sankcyja hetaha artykuła praduhledžvaje pakarańnie až da piaci hadoŭ pazbaŭleńnia voli.
Mužčyna poŭnaściu pryznaŭ vinu i raskajaŭsia. Na čas rasśledavańnia da jaho ŭžyta miera strymańnia ŭ vyhladzie padpiski ab niavyjeździe i naležnych pavodzinach.
Partuhalec sprabavaŭ uvieźci ŭ Biełaruś hašyš i marychuanu
Minčuk vyroščvaŭ u kvatery kanopli, kab lačycca ad bolu ŭ sustavach
Marychuana NIE biasškodnaja, pakazvajuć novyja daśledavańni
Hamialčuk vynosiŭ narkotyki z balnicy, chavajučy ich u rocie
U Minsku mužčyna pierakuliŭ u kramie dźvie skrynki vina, ale sudzić jaho buduć nie za heta
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary