Pucin zajaviŭ, što Ukraina pieradała Rasii novyja prapanovy pa pieramovach. Siarod ich — spynieńnie ŭdaraŭ uhłyb terytoryi
Pucin dadaŭ, što hałoŭnaja zadača dla rasijskaj armii i dla jaho — «kančatkovaje vyzvaleńnie Danbasa i Navarosii».
Uładzimir Pucin u intervju Paŭłu Zarubinu zajaviŭ, što kantakty z Ukrainaj «naładžany adrazu pa niekalkich napramkach» i što ad Kijeva pastupili «novyja prapanovy», paviedamlaje «Dožd́».
Kijeŭ, pavodle słoŭ Pucina, prapanuje spynić udary ŭhłyb terytoryi z abodvuch bakoŭ.
Pucin śćviardžaje, što hetaja prapanova źjaviłasia tamu, što «ŭdary ŭ adkaz» rasijskaj armii «značna bolš mahutnyja, adčuvalnyja i, prama skažam, razburalnyja» i pryvodziać da surjoznych nastupstvaŭ dla Ukrainy.
Jašče adna prapanova, jak vynikaje sa słoŭ Pucina, raniej nie ahučvałasia — abmiežavać bajavyja dziejańni čatyrma terytoryjami: Chiersonskaj vobłaściu, Zaparožskaj vobłaściu, «DNR» i «ŁNR», a na astatnich terytoryjach spynić.
Pucin ličyć, što ŭ takim vypadku Uzbrojenyja siły Ukrainy mahli b vyvieści vojski ź Mikałajeŭskaj, Dnieprapiatroŭskaj, Charkaŭskaj i Sumskaj abłaściej, a taksama ź niekatorych učastkaŭ dziaržaŭnaj miažy i pierakinuć hetyja padraździaleńni ŭ nazvanyja čatyry rehijony.
«Va ŭmovach katastrafičnaha deficytu asabovaha składu USU, vidać, miarkujuć, što heta mahło b być dla ich vyratavańniem, ale ratavać kijeŭski režym u našy płany nie ŭvachodzić», — skazaŭ Pucin.
Pry hetym Pucin dadaŭ, što hałoŭnaja zadača dla rasijskaj armii i dla jaho — «kančatkovaje vyzvaleńnie Danbasa i Navarosii».
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary12
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary