Ci pierahorniem staronku 2020-ha? Buhaj maje na ŭvazie adno, a Łukašenka — zusim inšaje
Ci varta mianiać adny «nierealistyčnyja čakańni» na inšyja? Stary Burkun z «Salidarnaści» adreahavaŭ na rezanansny artykuł Mikoły Buhaja ŭ «Našaj Nivie». Pieradrukoŭvajem jaho tekst.
Artykuł šanoŭnaha Mikoły Buhaja vyklikaŭ supiarečlivuju reakcyju navat siarod čytačoŭ «Našaj Nivy». Bo tezis, ź jakoha pačynaje aŭtar, dubluje firmovy łukašenkaŭski: «Treba pieraharnuć staronku 2020-ha». Maŭlaŭ, varta «źnizić čakańni i admovicca ad vodapadziełaŭ 20-ha».
Šerah sprečnych dumak nie pieraškodziŭ Buhaju trapić u čakańni častki supolnaści (užo sfarmavanyja). Pra toje śviedčyć apytanka, jakuju ŭ svaim telehram-kanale zładziŭ krychu raniej šanoŭny Siarhiej Navumčyk.
«Ci ličycie Vy metazhodnaj samalikvidacyju stvoranych za miažoj paśla 2020 h. palityčnych centraŭ uzamien na vyzvaleńnie ŭsich palitviaźniaŭ, poŭnuju amnistyju i harantyju biaśpiečnaha viartańnia ŭ Biełaruś usich emihrantaŭ, jakija b pažadali viarnucca?»
Na momant napisańnia artykułu 57% prahałasavaŭšy adkazali «tak», 24% — «nie», 19% — «nie maju adkazu».
Naturalna, heta nie sacyjałahičnaje daśledavańnie (dy j boty mahli padkarektavać vyniki). Ale śviedčańnie isnavańnia nastrojaŭ na «pierahortvańnie».
Prablema ŭ tym, što pierahortvać nie hatovy Łukašenka. I nikoli nie byŭ hatovy. Jahony adpaviedny zaklik byŭ usiaho tolki chitrykam, kab ścišyć pratestnyja nastroi i vyjhrać čas dziela raspravy z apanientami.
Łukašenka čarhovy raz zaśviedčyŭ heta litaralna praź dzień paśla artykuła Buhaja. Cytata:
«Rassčityvať na to, čto my banditov vypustim, kotoryje žhli, vzryvali, i oni eto priznajut, [nie stoit]. My ich vypustim, a oni snova protiv nas budut vojnu viesti?»
Darečy, zaraz užo bolšaść siadzić navat nie za ŭdzieł u mirnych pratestach, a za kamientary, łajki dy inšyja padobnyja prajavy niełajalnaści. Tolki što Viasna daviedałasia pra žachlivy vypadak, kali na 5 hadoŭ u kałoniju adpravili siamju — muža, žonku i dačku — za videa suprać hvałtu siłavikoŭ.
Łukašenka šaleje, kali ŭzhadvaje pra 2020-y. Heta traŭma zastaniecca ź im da skonu. I heta nie toj čałaviek, jakomu ŭłaścivaja litaść.
Tamu prychilnikam demakratyčnaj i niezaležnaj Biełarusi paprostu biessensoŭna pahadžacca choć na «pierahortvańnie», choć na «vyryvańnie» staronki. Heta nijak nie palepšyć situacyju, a, naadvarot, stvoryć hłyboki i nadzvyčaj škodny z punktu hledžańnia pierśpiektyvy raskoł unutry supolnaści pa absalutna štučnym pytańni.
Mikoła Buhaj słušna piša pra nieabchodnaść admovicca ad «nierealistyčnych čakańniaŭ» (tym, u kaho jany jašče zastalisia). Adnak ci varta mianiać adny iluzii na inšyja?
«Pieraharnuć staronku, pačać žyćcio spačatku — ach, hetaja staražytnaja jak śviet, marnaja mara». Emaniuel Karer, francuzski piśmieńnik.
Vybar nam usim pakinuli nievialiki: kapitulavać abo praciahvać iści svaim šlacham.
Na hetym šlachu buduć niepaźbiežnyja i patrebnyja samyja roznyja kampramisy. Ale jość roźnica pamiž razumnaj karekciroŭkaj taktyki i chistańniami ad adnaho nakirunku da inšaha. Praŭda ŭ tym, što my nie viedajem, jaki ź ich viadzie da svabody i niezaležnaści. Tamu ŭ hetym «marafonie skroź noč» lepš zachoŭvać zdarovy sens, spakoj, hnutkaść padychodaŭ i niaźmiennaść met.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary
Car zaŭsiody tolki słušna dumaje, słušna piša i słušna robić.
Jeśli na eto sohłasny, tohda da, stranica budiet pierieviornuta navsiehda i biepierievorotno....
Poetomu vłasť i zavozit 150 tysiač pakistanciev, na miesto vyhnanych jeju i posažienych v tiuŕmy sotien tysiač biełarusov, nie zria vyhoniajut mołodych biełorusov, oni znajut i ponimajut, čto mołodioż nikohda nie sohłasitsia ni na takoje pierievoračivanije stranic, ni na takuju skotskuju žizń, ni na takuju žie skotskuju vłasť.
Apytanka ŭ Navumčyka naiŭnaja. Niešta z alternatyŭnaj realnaści, dziciačaje, typa "Vybiery tolki adno z dvuch: zdaroŭje abo hrošy".
Niedamovazdolny nie moža daść harantyj. Harantyi ad Łukašenki pra adsutnaść represij - jak harantyi ad Rasiei pra adsutnaść vojnaŭ.
I sama "ździełka" ŭ apytancy niapravilnaja, z pazicyi słabaści, tak nielha damaŭlacca. Viadomy pryncyp, što zroblenaja pasłuha (samalikvidacyja) ŭžo nie kaštuje ničoha.