U Sierbii Łukašenku pavinšavali z dniom naradžeńnia biłbordami FOTAFAKT
U stalicy Sierbii Białhradzie i ŭ hałoŭnym horadzie aŭtanomnaha kraju Vajavodzina Novym Sadzie źjavilisia biłbordy ź vinšavańniem z dniom naradžeńnia Alaksandra Łukašenki, jaki prypadaje na 30 žniŭnia. Na heta źviarnuła ŭvahu sierbskaje vydańnie N1.
Biłbord pastaviŭ kansiervatyŭny ruch «Našy», pradstaŭniki jakoha zajavili, što takim čynam chočuć padkreślić tradycyjnyja suviazi pamiž Sierbijaj i Biełaruśsiu i nahadać, što ŭ składanych palityčnych abstavinach Sierbija pavinna padtrymlivać svaich «ščyrych sajuźnikaŭ».
Ruch «Našy» isnuje ŭ Sierbii z 2006 hoda i viadomy jak adkryta antyjeŭrapiejski i prarasijski. Navat nazvu joj uziaŭ pa anałohii z prakramloŭskim moładzievym rucham, jaki tady byŭ stvorany ŭ Rasii.
Lidara «Našych» Ivana Ivanaviča źviazvajuć z rasijskimi śpiecsłužbami i dziejnaściu suprać uklučeńnia Sierbii ŭ ES i NATA. Jon taksičny navat dla taksama nie antyrasijskich sierbskich uładaŭ. Za čas svajoj palityčnaj dziejnaści Ivanavič sotni razoŭ vyklikaŭsia ŭ palicyju, prajšoŭ praź niekalki sudoŭ i navat adbyvaŭ administracyjnyja pakarańni.
«Ja nie dyktatar, mnie ŭ hałavu nie pryjdzie źmianiać Kanstytucyju». Prezident Sierbii Vučyč zajaviŭ, što nie pojdzie na treci termin
Łukašenkaŭskuju prapahandu viaščajuć na ŭsie kantynienty
Siabra Łukašenki Dodzika prysudzili da hoda turmy ŭ Bośnii i Hiercahavinie
Łukašenka zaprasiŭ naviedać Biełaruś prezidenta Sierbii
Jak kamanda Cichanoŭskaj viała pieramovy z administracyjaj Vučyča
Kamientary