«Ja nie dyktatar, mnie ŭ hałavu nie pryjdzie źmianiać Kanstytucyju». Prezident Sierbii Vučyč zajaviŭ, što nie pojdzie na treci termin
Siabra Łukašenki i Pucina raskazaŭ, što nie źbirajecca pierapisvać asnoŭny zakon pad siabie.
Prezident Sierbii Alaksandr Vučyč zajaviŭ, što nie źbirajecca iści na treci termin i mianiać dla hetaha Kanstytucyju.
Vučyč skazaŭ, što jon nie dyktatar i jamu ŭ hałavu nie prychodzić pierapisvać zakon pad siabie, paviedamlaje kurir.rs.
«Vybary buduć, ja palityčny vieteran, bolš nie mahu bałatavacca ŭ prezidenty, i mnie navat u hałavu nie prychodzić źmianiać kanstytucyju, kab dalej vyłučacca. Ja nie dyktatar, jakim mianie ŭjaŭlajuć u aŭstryjskich ŚMI, svaju prezidenckuju karjeru zakonču praz hod ź nievialikim», — skazaŭ Vučyč.
Jon dadaŭ, što praciahnie zmahacca za svaje ideały i dapamahać inšym, ale nie staŭ kazać, na jakoj pasadzie jon źbirajecca heta rabić.
Vučyč taksama adznačyŭ, što sierbskija ŭłady nie cisnuli pratest siłaj, tamu što jon «pavažaje patrebu ludziej zmahacca za niešta inšaje, chacia heta nie zaŭsiody vyjaŭlajecca demakratyčna».
Ź listapada 2024 hoda ŭ Sierbii prachodziać masavyja pratesty z patrabavańniem pravieści daterminovyja vybary. Narodnyja vystupy pačalisia paśla trahiedyi: u Novi-Sadzie abrynuŭsia niadaŭna adramantavany navies na vakzale, u vyniku čaho zahinuli 16 čałaviek. Pieršapačatkova ludzi vyjšli na pratest z patrabavańniem pakarać vinavatych i ŭzmacnić baraćbu z karupcyjaj, ale potym vyłučyli i palityčnyja patrabavańni, u tym liku adstaŭki ŭrada i prezidenta.
Vučyč zajmaje post prezidenta z 2017 hoda. Da hetaha jon jašče try hady byŭ premjer-ministram.
-
Lidary ES damovilisia vydzielić Ukrainie 90 młrd jeŭra. Zamarožanyja rasijskija aktyvy vykarystoŭvacca nie buduć
-
Tramp zahadaŭ uvieści «poŭnuju i kančatkovuju» błakadu ŭsich tankieraŭ, jakija zachodziać u Vieniesuełu
-
U Kazachstanie byli rašuča nastrojenyja adstralać kala miljona sajhakaŭ, ale žyvioły schavalisia ŭ Rasii
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary
Nahadaju što ŭ ZŠA navat CVK niama, a ŭ Kanstytucyi ofisu-Labiedźka jeść. Potym ŭmoŭny łukašenka 2:0 svaim niezakonnym ukazam pryznačaje čarhovuju Jarmošynu ź siamji rasiejskich vajskoŭcaŭ, robić pad siabie lipavy refierendum, maluje lipavyja ličby i va-la, majem čarhovaha Łukašenku 2:0 i ŭvieś saviecka-saŭhasny treš ź vialikim ruckim, tolki ŭžo pa Kanstytucyi ofisu-Labiedźka jakaja faktyčna viadzie da dyktatury, pa źmiestu antyparłamienckaja i antybiełaruskaja. Ŭ jej navat pra suviarenitet i niezaležnaść Biełarusi nie ŭzhadvajecca.