Minabarony Rasii pakazała kartu, na jakoj Adeskaja i Mikałajeŭskaja vobłaści adździelenyja ad Ukrainy
Karta na videa visić zzadu načalnika hałoŭnaha apieratyŭnaha ŭpraŭleńnia Hienštaba Siarhieja Rudskaha, jaki siadzić pa pravuju ruku ad Hierasimava.
U videa, na jakim načalnik Hienštaba Valeryj Hierasimaŭ raskazvaŭ u subotu ab vynikach viasnova‑letniaj kampanii va Ukrainie, była pakazana karta Ukrainy, na jakoj Adeskaja i Mikałajeŭskaja vobłaści, a taksama niezachoplenyja Rasijaj učastki Chiersonskaj, Zaparožskaj i Danieckaj abłaściej adździelenyja ad Ukrainy i abjadnany z terytoryjami pad kantrolem Maskvy, paviedamlaje «Ahienctva».
Karta na videa visić zzadu načalnika hałoŭnaha apieratyŭnaha ŭpraŭleńnia Hienštaba Siarhieja Rudskaha, jaki siadzić pa pravuju ruku ad Hierasimava.
Na karcie vidać liniju, jakoj ad Ukrainy adździeleny Łuhanskaja, Danieckaja, Zaparožskaja, Chiersonskaja vobłaści, jakija častkova zachoplenyja rasijskaj armijaj. Adnak hetaja linija nie skančajecca na Dniapry, jaki ciapier u Chiersonskaj vobłaści adździalaje terytoryi pad kantrolem Rasii ad taho, što kantraluje Ukraina.
Linija praciahvajecca da samaj miažy z Małdovaj i Rumynijaj, adździalajučy ad Ukrainy ŭsiu Chiersonskuju, Mikałajeŭskuju i Adeskuju vobłaści. U inšych abłaściach linija prachodzić pa administracyjnych miežach ukrainskich abłaściej. Jana adździalaje ad Ukrainy ŭsiu Zaparožskuju i Danieckuju vobłaści, jakija nie zachoplenyja poŭnaściu rasijskaj armijaj.
«Karta na ścianie ŭ kabiniecie načalnika rasijskaha Hienštaba Hierasimava, vierahodna, adlustroŭvaje rasijskija vajennyja mety va Ukrainie (achoplivajučy pałovu krainy, uklučajučy Charkaŭ i Adesu)», — napisaŭ hałoŭny źniešniepalityčny karespandent haziety The Wall Street Journal Jarasłaŭ Trafimaŭ, jaki pieršy źviarnuŭ uvahu na kartu.
U svaim vystupie ŭ subotu Hierasimaŭ značna pierabolšvaŭ dasiahnieńni rasijskaj armii padčas viasieńnie‑letniaj nastupalnaj kampanii, ličać analityki amierykanskaha Instytuta vyvučeńnia vajny (ISW). Ahulnaja acenka zaniataj rasijanami terytoryi z 1 sakavika, nazvanaja Hierasimavym, na tracinu bolšaja, čym paćvierdžana z dapamohaj fota i videa.
Vajennyja analityki taksama źviarnuli ŭvahu na druhuju kartu, jakuju było bačna padčas vystupu kiraŭnika rasijskaha Hienštaba napiaredadni. Na hetaj karcie, jak adznačyŭ vajenny analityk Jan Maćviejeŭ, paznačany zanadta vialiki vystup da paŭnočnaha ŭschodu ad Pakroŭska i niaisny praryŭ da ŭskrain Kanstancinaŭki (Danieckaja vobłaść).
«Padajecca, što dla Hienštaba [Rasii] usia terytoryja, dzie byŭ zaŭvažany rasijski sałdat, znachodzicca pad kantrolem Rasii», — piša ŭ X analityk Conflict Intelligence Team (CIT) pad nikam D'Mithridates.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary
Takaja karta nasamreč moža aznačać što zaŭhodna. Ad pustoha paddražnivańnia, da metaŭ na dziesiacihodździ.