Napiaredadni Dnia jurysta ŭ Minsku adkryli budynak Apielacyjnaha ekanamičnaha suda, paviedamlaje sb.by. Jon raźmiaściŭsia na vulicy Miaśnikova, 5.
Na troch pavierchach raźmiaścili vosiem załaŭ sudovych pasiadžeńniaŭ, pamiaškańnie dla prezidyuma, kabiniety dla kiraŭnictva i supracoŭnikaŭ. A voś apošni ŭzrovień vydzielili dla Departamienta archivaŭ i spravavodstva Ministerstva justycyi Respubliki Biełaruś i redakcyi časopisa «Archivy i spravavodstva».
Budynak prystasavany dla biezbarjernaha asiarodździa i abstalavany sučasnymi inžyniernymi sistemami, jon udačna padzieleny na zony dla naviedvalnikaŭ i supracoŭnikaŭ. Va ŭsich załach sudovych pasiadžeńniaŭ jość sistemy aŭdyjo- i videafiksacyi.
Apielacyjny ekanamičny sud zapracuje z 1 studzienia 2026 hoda. To bok z daty ŭstupleńnia ŭ siłu Kodeksa hramadzianskaha sudapracesu.
Pačatak novamu sudu pakłaŭ ukaz Alaksandra Łukašenki. Dakumientam było praduhledžana stvareńnie trochuzroŭnievaj sistemy ekanamičnych sudoŭ.
Dziejnaść sudoŭ pieršaj i apielacyjnaj instancyj padzielać. Heta stanie važnym krokam u pavyšeńni efiektyŭnaści ažyćciaŭleńnia pravasudździa ŭ ekanamičnych spravach.
Pracoŭnyja miescy ŭ im atrymajuć 27 sudździaŭ, uklučna sa staršyniom i jaho namieśnikami. Štat farmujuć za košt kolkaści sudździaŭ i rabotnikaŭ aparataŭ inšych sudoŭ.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii9
Kamientary