Hienieralny sakratar NATA Mark Rute iranična prakamientavaŭ zajavu prezidenta Rasii Uładzimira Pucina pra toje, što Rasija nibyta hatovaja vajavać ź Jeŭropaj. Jon padkreśliŭ, što meta jahonych zajaŭ — tolki sejańnie strachu i psichałahičny cisk na jeŭrapiejskija krainy.
Rute źviarnuŭ uvahu, što Pucin dniami vystupaŭ u vajskovaj formie, «jak byccam na froncie», choć nasamreč znachodziŭsia ŭ poŭnaj biaśpiecy.
«Ja nie budu reahavać na kožnaje słova Pucina. My bačyli jaho ŭ vajskovaj formie, ale davoli daloka ad frontu», — skazaŭ kiraŭnik NATA.
Uvohule jon zaklikaŭ usich nie nadavać zanadta vialikaha značeńnia takoj rytorycy. Na dumku Marka Rute, šlach da miru — heta cisk na Rasiju i pastajannaje zabieśpiačeńnie Ukrainy zbrojaj, kab jana mahła siabie abaraniać. Dypłamatyčnyja namahańni, viadoma, važnyja, ale Ukraina pavinna padychodzić da lubych pieramoŭ u jak maha bolš mocnaj pazicyi.
Ministry zamiežnych spraŭ krain NATA, jakija sabralisia ŭ Brusieli, taksama nie ŭspryniali surjozna słovy Pucina pra «padrychtoŭku da vajny».
Ministarka zamiežnych spraŭ Finlandyi Elina Vałtanien śledam za Rute adznačyła, što takija zajavy — heta sproba zapałochvańnia, i stavicca da ich treba spakojna. Pa jaje słovach, NATA i Jeŭropa majuć mocnyja abarončyja mahčymaści i praciahvajuć ich umacoŭvać.
Jak pa-roznamu vyhladaŭ Styŭ Uitkaf na sustrečach z Pucinym i z ukraincami
Pierad sustrečaj z Uitkafam i Kušnieram Pucin zajaviŭ, što hatovy da vajny ź Jeŭropaj
Pucin spaźniŭsia na sustreču z Uitkafam amal na try hadziny
Ušakoŭ: Kampramisaŭ padčas sustrečy Pucina z Uitkafam nie dasiahnuli
Piaskoŭ: Pucin nie adchilaŭ mirnaha płana ZŠA
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
Ironija,trieštokinh,płany pobiedy i sammity mira... a na frontie situacija izvoltie vidieť - kakaja jesť.