U Tałačynskim rajonie vystavili na prodaž staruju siadzibu Ciundziavickich
U Tałačynskim rajonie ŭžo nie pieršy raz sprabujuć pradać staradaŭniuju siadzibu XIX stahodździa. Dvuchpaviarchovy dom kala voziera prapanujuć za simvaličnyja 42 rubli. Tarhi adbuducca ŭ studzieni na płatformie «BUTB-Majomaść», piša Realt.by.
Siadziba znachodzicca ŭ vioscy Hałošava Tałačynskaha rajona, faktyčna ŭ centry vioski, pobač z vozieram Hłybokaje. Adlehłaść siudy ad Minska kala 190 kiłamietraŭ. Abjekt užo niekalki razoŭ vystaŭlali na prodaž, ale pakul achvotnych adnavić histaryčnuju zabudovu nie znajšłosia. Tamu ciapier siadzibu pradajuć usiaho za adnu bazavuju vieličyniu.
Pabudavali dom u 1897 hodzie na miescy staroj draŭlanaj pabudovy. Jon naležaŭ rodu Ciundziavickich, jakija žyli tut 20 hadoŭ, a ŭ 1917‑m vyjechali ŭ Polšču. U domie kaliści znachodziłasia kalekcyja partretaŭ, vyrabaŭ z farforu i srebra.
Padčas vajny ŭ siadzibie raźmiaščaŭsia niamiecki harnizon, paśla — škoła dla hłuchich, internat, a potym zvyčajnaja škoła. U apošnija dziesiacihodździ budynak stajaŭ pustym.
Ahulnaja płošča doma — 621 kvadratny mietr, padmurak u jaho cahlany, pierakryćci draŭlanyja. Novamu ŭładalniku taksama pieradaduć u arendu na 50 hadoŭ učastak pamieram u 77 sotak, jaki možna vykarystoŭvać, naprykład, pad ahraekaturyzm abo kulturna-aśvietnickija prajekty.
Kali znojducca ŭdzielniki, aŭkcyjon adbudziecca 23 studzienia 2026 hoda. Startavaja cana — 42 rubli. Pieramožcu tarhoŭ daviadziecca apłacić i vydatki na padrychtoŭku dakumientaŭ, a taksama na praviadzieńnie aŭkcyjonu, jakija mohuć składać niekalki tysiač rubloŭ.
Akramia hetaj siadziby, na «BUTB-Majomaść» ciapier možna nabyć jašče niekalki histaryčnych abjektaŭ Viciebskaj vobłaści: naprykład, były klaštar karmielitaŭ u Hłybokim, majontak Suščynskich u Novym Žyćci Ušackaha rajona, kuźniu ŭ vioscy Dvor-Nizhałova Biešankovickaha rajona, siadzibu Śviackich u vioscy Połymia Sieńnienskaha rajona i inšyja — pa cenach ad 42 da 210 rubloŭ.
Uładalnik «Majontka Padarosk» ličyć niezakonnym aŭkcyjon pa prodažy siadziby. Jon nakiravaŭ pretenziju ŭ rajvykankam
Siadziba Jalenskich u Kleckim rajonie, jakuju pradavali dvojčy, znoŭ šukaje haspadara
Na Viciebščynie pradajuć unikalnuju siadzibu, pa prajekt jakoj haspadary jeździli ŭ dalokuju Brytaniju
Muravanku Chraptovičaŭ u Ščorsach znoŭ vystavili na prodaž za paŭcany
«Chočacca, kab my žyli nie z nula». Uładalnik siadziby Horvataŭ raskazaŭ pra restaŭracyju, zachavanyja kaštoŭnaści i «Biełuju pani Naroŭli»
Siadziba Ciundziavickich kanca XIX stahodździa, jakuju sabralisia znosić, moža atrymać achoŭny status
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary