Prezident Sierbii Alaksandr Vučyč padčas svajho vizitu ŭ Kitaj sustreŭsia z prezidentam Rasii Uładzimiram Pucinym, padčas jakoj zapeŭniŭ jaho, što jahonaja kraina i nadalej nie budzie prymać nijakich krokaŭ, skiravanych suprać Rasii.
Alaksandr Vučyč zajaviŭ, što Sierbija z pačatku kanfliktu va Ukrainie znachodzicca pad vialikim ciskam, ale zachoŭvaje pryncypovuju pazicyju i źjaŭlajecca adzinaj krainaj u Jeŭropie, jakaja nie ŭviała nijakich sankcyj suprać Rasii.
Vyhladaje, što Biełaruś pad kiraŭnictvam Łukašenki, jakaja nie tolki nie ŭvodziła suprać Rasii nijakich sankcyj, ale navat akazvała i akazvaje padtrymku joj padčas ahresii suprać Ukrainy, dla sierbskaha prezidenta jeŭrapiejskaj krainaj nie źjaŭlajecca.
Što da pazicyi Sierbii adnosna vajny, to Vučyč zajaviŭ Pucinu, što «my, viadoma, u budučyni budziem zachoŭvać naš vajenny niejtralitet». I ŭvohule dla hetaj krainy važna supracoŭnictva na vysokim uzroŭni z Rasijaj.
Pucin u adkaz skazaŭ, što Rasija z pavahaj stavicca da «niezaležnaha palityčnaha kursu», jakija Sierbija pravodzić pad kiraŭnictvam Alaksandra Vučyča.
U Sierbii raście napružańnie: pratestoŭcy padpalvajuć ofisy praviačaj partyi
U Sierbii adbylisia sutyknieńni pamiž apazicyjaj, prychilnikami prezidenta i palicyjaj, paranieny dziasiatki čałaviek
«Ja nie dyktatar, mnie ŭ hałavu nie pryjdzie źmianiać Kanstytucyju». Prezident Sierbii Vučyč zajaviŭ, što nie pojdzie na treci termin
Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii
Kamientary
[Zredahavana]