13-hadovaja dziaŭčynka chacieła ačyścić tvar enzimnaj pudraju i trapiła ŭ reanimacyju
U Hrodnie dziaŭčynka kupiła ŭ kramie enzimnuju pudru dla ačystki tvaru i adsłojvańnia skury i atrymała mocny chimičny apiok. Pra zdareńnie piša Newgrodno.by.
Mama dziaŭčynki Alena raspaviała, što adrazu ž paśla vykarystańnia tvar u dziciaci pačaŭ aciakać. U paliklinicy spačatku skazali, što heta charčovaja alerhija. Zrabili ŭkoł antyhistaminnaha srodku. Ale davoli chutka dziaŭčyncy stała horš.
Aciok uvieś tvar, źjavilisia piakučyja boli, daviałosia vyklikać chutkuju dapamohu.
Nieŭzabavie dziaŭčynku pakłali ŭ reanimacyju z chimičnym apiokam tvaru. Skura pačała prosta adsłojvacca.
Zaraz ź dziaŭčynkaj usio ŭ paradku. Ale zastalisia nievialikija šnary pa bakach tvaru i na nosie. Ni ŭ kramu, ni da vytvorcy siamja źviartacca nie stała. Adnak ciapier i mama, i dačka całkam pierastali karystacca lubymi srodkami dla dohladu.
Usio adbyłosia jašče na pačatku hoda. Maci dziaŭčynki vyrašyła raspavieści pra heta ciapier, bo zachacieła papiaredzić i dziaciej, i baćkoŭ, što treba być bolš uvažlivymi.
Kamientary