Budrys: ES nie stanie bolš miakkim z-za taho, što ZŠA źniali sankcyi z «Biełavija»
Ministr zamiežnych spraŭ Litvy Kiastucis Budrys vykazaŭ mierkavańnie, što rašeńnie ZŠA źniać sankcyi ź biełaruskaj avijakampanii «Biełavija» nie stanie sihnałam dla Jeŭrasajuza pamiakčać svaju pazicyju adnosna Minska. Jon adznačyŭ, što ES praciahvaje zajmać ćviorduju liniju ŭ dačynieńni da Biełarusi i nie płanuje źmianšać ci źmiakčać sankcyjny cisk, paviedamlaje LRT.
Budrys padkreśliŭ, što sankcyi ES u dačynieńni da Biełarusi praciahvajuć pašyracca. Litva imkniecca skaardynavać svaje miery z sankcyjami, jakija dziejničajuć suprać Rasii, i zaŭsiody dziejničaje ŭ adpaviednaści z ahulnaj jeŭrapiejskaj pazicyjaj.
«U ES sankcyi ruchajucca ŭ inšy bok — pakiety sankcyj pašyrajucca, Litva imkniecca va ŭsich vypadkach sinchranizavać sankcyi ŭ dačynieńni da Biełarusi z sankcyjami ŭ dačynieńni da Rasii. My budziem havaryć pra dadatkovyja pakiety sankcyj jak u suviazi z ahresijaj suprać Ukrainy, tak i ŭ suviazi z hibrydnymi dziejańniami, a taksama ŭ suviazi z učynieńniem złačynstvaŭ va Ukrainie», — skazaŭ jon.
Na dumku ministra, ciapier vierahodnaść taho, što Litva budzie vymušanaja ŭvodzić nacyjanalnyja abo rehijanalnyja sankcyi samastojna, źmienšyłasia, bo ES praciahvaje ŭzhadniać i padtrymlivać ahulnuju sankcyjnuju palityku.
Premjerka Litvy: My nie pojdziem na źmiakčeńnie sankcyj suprać Biełarusi, navat kali na nas buduć cisnuć
Litva sankcyj ź Biełarusi nie zdymie, pakul nie buduć likvidavanyja pryčyny
U Litvie dumajuć nie pra admienu, a pra pašyreńnie sankcyj suprać Biełarusi
Ministr zamiežnych spraŭ Litvy zastupiŭsia za Ofis Cichanoŭskaj
Kamientary