Jak i čakałasia, prezident Francyi Emanuel Makron zajaviŭ u AAN, što Francyja aficyjna pryznaje paleścinskuju dziaržavu ŭ intaresach miru, piša Bi-bi-si.
Makron zajaviŭ, što pryjšoŭ čas spynić vajnu ŭ Hazie i vyzvalić astatnich 48 zakładnikaŭ, jakich utrymlivaje CHAMAS.
«My bolš nie možam čakać», — skazaŭ francuzski prezident.
Makron padkreśliŭ, što asudžaje napad na Izrail 7 kastryčnika 2023 hoda i choča bačyć u rehijonie mir, zasnavany na suisnavańni dźviuch dziaržaŭ.
«Ništo nie apraŭdvaje vajnu», — zajaviŭ francuzski prezident, dadaŭšy, što ŭsio abaviazvaje nas kančatkova pakłaści joj kaniec.
Makron zaklikaŭ da stvareńnia pierachodnaj administracyi ŭ Hazie z udziełam Paleścinskaj administracyi, jakoj budzie daručana kantralavać rasfarmiravańnie CHAMAS.
Jon zajaviŭ, što Francyja hatova ŭnieści svoj układ u «stabilizacyjnuju misiju» ŭ Hazie, što pavyšaje vierahodnaść prysutnaści mižnarodnych sił biaśpieki na hetaj terytoryi.
Pa słovach Makrona, Francyja adkryje pasolstva ŭ Paleścinskaj dziaržavie tolki paśla vyzvaleńnia ŭsich zakładnikaŭ, jakich utrymlivaje CHAMAS, i dasiahnieńnia pahadnieńnia ab spynieńni ahniu.
Čakajecca, što jašče šerah krain aficyjna pryznajuć niezaležnuju paleścinskuju dziaržavu na samicie pierad štohadovym schodam lidaraŭ na Hienieralnaj Asamblei AAN. Lidary Kanady, Aŭstralii, Vialikabrytanii i Partuhalii ŭ niadzielu ŭžo abjavili ab pryznańni ich krainami paleścinskaj dziaržavy.
Premjer-ministr Izraila Bińjamin Nietańjachu raniej zajaviŭ, što nijakaj paleścinskaj dziaržavy nie budzie, a jaho pryznańnie — heta «ŭznaharoda dla CHAMAS».
Taksama pryznali paleścinskuju dziaržavu Bielhija, Malta, Manaka i Luksiemburh.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA46
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary