Zakryćcio biełaruska-polskaj miažy zabłakavała bolš za 130 ciahnikoŭ z Kitaja ŭ Jeŭropu
Zakryćcio miažy zakranuła bolš za 130 hruzavych ciahnikoŭ u čyhunačnym spałučeńni Kitaj — Jeŭropa. Pra heta paviedamlaje Yicai sa spasyłkaj na dakład kampanii New Silk Road Intermodal Sichuan.
«Va ŭsich našych kaleh, jakija pracujuć na čyhunačnym ekspresie «Kitaj — Jeŭropa», jość hruzavyja ciahniki, jakija adpravilisia paśla 12 vieraśnia. Niekatoryja ŭžo prybyli ŭ Brest i čakajuć mytnaha afarmleńnia, a inšyja ŭsio jašče ŭ darozie», — cytuje vydańnie Tana Cincina, pamočnika hiendyrektara kampanii.
Pa infarmacyi Supolnaści čyhunačnikaŭ Biełarusi, na miažy ciapier adstaŭlenymi ad ruchu stajać 30‑35 z hetych ciahnikoŭ.
Kampanii, jakija ažyćciaŭlajuć čyhunačnyja pieravozki pamiž Kitajem i Jeŭropaj, užo pryniali šerah mier, jakija ŭklučajuć časovaje prypynieńnie ruchu ciahnikoŭ, pieranakiravańnie ich u Sankt-Pieciarburh, kab dalej zabiaśpiečyć dastaŭku moram, a taksama pavialičyli kolkaść ciahnikoŭ pa paŭdniovaj linii maršrutu ŭ Jeŭropu, jakaja pralahaje praz Kazachstan, Azierbajdžan i Hruziju, a zatym praz Čornaje mora ci Turcyju.
Polšča ŭnačy z 11 na 12 vieraśnia zakryła miažu ź Biełaruśsiu ŭ adkaz na hibrydnyja ataki i pravakacyi Minska. Heta vyklik dla Piekina: handal Kitaja ź Jeŭrasajuzam u značnaj stupieni idzie praź biełaruskija transpartnyja kalidory.
Ministr zamiežnych spraŭ Polščy Radasłaŭ Sikorski zajaviŭ, što polski bok adkryje miažu, kali Kitaj dapamoža ŭ vyrašeńni prablem ź Biełaruśsiu.
Alaksandr Łukašenka nazvaŭ zakryćcio Polščaj miažy ź Biełaruśsiu niedružalubnym palityčnym krokam, skiravanym suprać Kitaja. Pra heta jon zajaviŭ 22 vieraśnia na sustrečy z členam Pastajannaha kamiteta Palitbiuro CK Kamunistyčnaj partyi Kitaja Li Si.
Cichanoŭskaja pra muža: Uvieś jahony śviet pierakuleny22
Kamientary
Sudia po tomu, kak łukašienko, upriamo, prodołžajet idti na provokacii na polskoj hranicie i upriamo stoit na svojom, to on uhrobit nie tolko kitajskij tranzit, biełžd, no i ostatki niezavisimosti Biełarusi ....