U Biełarečansku Krasnadarskaha kraju Rasii spynieny transpartny ruch u rajonie chimičnaha pradpryjemstva «JeŭraChim-Biełarečanskija minieralnyja ŭhnajeńni». Pavodle źviestak žycharoŭ, u noč na 25 vieraśnia zavod staŭ mišeńniu dla atak bieśpiłotnych latalnych aparataŭ (BPŁA), piša «Astra».
Apieratyŭny štab Krasnadarskaha kraju paćvierdziŭ fakt ataki, adznačyŭšy, što frahmienty ŭkrainskich BPŁA ŭpali ŭ niepasrednaj blizkaści ad adnaho z bujnych pradpryjemstvaŭ rehijonu, što vyklikała pažar. Nazva pradpryjemstva ŭ aficyjnym paviedamleńni nie ŭkazvajecca.
Pavodle paviedamleńnia štaba, kala 140 supracoŭnikaŭ byli evakuiravanyja. Pavodle aficyjnych źviestak, paciarpiełych niama. Na miescy pracujuć słužby ekstrannaha reahavańnia.
«JeŭraChim-Biełarečanskija minieralnyja ŭhnajeńni» — adzin z najbujniejšych vytvorcaŭ minieralnych uhnajeńniaŭ na poŭdni Rasii.
Reuters raniej paviedamlała, što z pačatku poŭnamaštabnaj vajny piać bujnych rasijskich chimičnych kampanij zabiaśpiečvali bolš za 75% klučavych kampanientaŭ dla vytvorčaści vybuchovych rečyvaŭ i porachu. Siarod hetych kampanij — «JeŭraChim».
Ukrainskija ŚMI ŭžo paviedamlali pra ataki na inšyja zavody, što ŭvachodziać u strukturu «JeŭraChima», u tym liku pradpryjemstvy «Azot» u Tulskaj i Staŭrapolskaj abłaściach. Pavodle infarmacyi ASTRA, hetyja ataki taksama ździajśnialisia z vykarystańniem BPŁA.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier3
Kamientary