Z-za ataki ŭkrainskich dronaŭ u dvuch rajonach Rastoŭskaj vobłaści adklučałasia elektryčnaść
Ataku bieśpiłotnikaŭ, jak piša hubiernatar, adbivali ŭ troch rajonach.
U vyniku nalotu ŭkrainskich bieśpiłotnikaŭ u noč na sieradu ŭ dvuch rajonach Rastoŭskaj vobłaści adklučałasia elektryčnaść, paviedamiŭ hubiernatar Juryj Ślusar u telehramie.
«Unačy taksama byli abiastočanyja niekalki pasiołkaŭ Vierchniedonskaha i Šołachaŭskaha rajona. Ich enierhazabieśpiačeńnie na dadzieny momant adnoŭlena pa reziervovaj schiemie», — havorycca ŭ dopisie. Abodva hetyja rajony raźmieščanyja pobač, na samym poŭnačy vobłaści.
Pavodle słoŭ Ślusaraja, u Vierchniadonskim rajonie z-za padzieńnia BPŁA na terytoryi pramabjekta zahareŭsia dach budynka i trava.
Ataku bieśpiłotnikaŭ, jak piša hubiernatar, adbivali ŭ troch rajonach: dvuch nazvanych i Mileraŭskim, jaki miažuje z akupavanaj Łuhanskaj vobłaściu.
Ukrainskaja armija ŭ apošnija dni nanosiła ŭdary pa abjektach elektraenierhietyki ŭ roznych pamiežnych abłaściach Rasii — u pryvatnaści, pa ciepłaelektrastancyi ŭ Biełharadzie. U vyniku ŭ Biełharadzie i navakolnym rajonie całkam adklučyłasia elektryčnaść, paviedamlaje Bi-bi-si.
Kamientary