Stała viadoma, jakuju błatnuju pasadu atrymaŭ paśla vyzvaleńnia ź SIZA eks-dyrektar Pałaca Respubliki
Maksima Prychadoŭskaha złavili na karupcyi, ale dali jašče adzin šaniec.
Paśla amal čatyrochmiesiačnaj adsutnaści ŭ sacsietkach u suviazi z zatrymańniem eks-dyrektar Pałaca Respubliki i deputat Minharsavieta Maksim Prychadoŭski źjaviŭsia ŭ instahramie ź videazaklikam pryjazdžać u Biełaviežskuju pušču da Dzieda Maroza — ciapier čynoŭnik pracuje tam na pasadzie namieśnika hienieralnaha dyrektara.
Złoŭleny na atrymańni chabaru funcyjanier prabyŭ pad śledstvam krychu bolš za dva miesiacy. Spačatku jaho pieraviali ź SIZA pad padpisku ab niavyjeździe, a ŭ kastryčniku ŭvohule adpuścili. Pa słovach byłych kaleh Prychadoŭskaha, vyzvaleńnie adbyłosia dziakujučy siabroŭstvu z pres-sakratarkaj Łukašenki Natallaj Ejsmant. Maŭlaŭ, jon sam nie chavaŭ hetaha, kali pryjšoŭ zabirać rečy z Pałaca Respubliki. «Natalla Mikałajeŭna (pres-sakratarka Alaksandra Łukašenki Natalla Ejsmant — NN) moža ŭsio», — śmiajaŭsia jon u tvar supracoŭnikam pałaca.
Vyhadnaje siabroŭstva dazvoliła źniać z Prychadoŭskaha ŭsie abvinavačańni, choć jahonyja paplečniki i zastajucca za kratami.
Miesca dyrektara Pałaca Respubliki pry hetym pakul zastajecca vakantnym: na aficyjnaj staroncy ŭ raździele «Kiraŭnictva» fihuruje tolki pieršy namieśnik Juryj Navumovič.
Kamientary
U Natalji Ejsmont podtianutyj muž, a Maksim niet; u Anny Siełuk tołstieńkij i nizkorosłyj muž, a ministr kultury naprotiv rosłyj i chudoŝavyj mužčina.