Pradstaŭnik ZŠA Kit Kiełah raskazaŭ u intervju Guardian niekalki detalaŭ pra adnosiny ZŠA ź Biełaruśsiu. Tak u vyniku pieramovaŭ 11 vieraśnia byli vyzvalenyja 52 palitviaźni ŭ abmien na pasłableńnie častki sankcyj u dačynieńni da Minska.
Jon padkreśliŭ, što ŭvaha ZŠA da Łukašenki tłumačycca tym, što Łukašenka šmat razmaŭlaje z Pucinym.
«My nie ŭpeŭnieny, što jon jamu kaža, ale viedajem, što razmaŭlaje», — skazaŭ jon.
«Ale toje, što my zrabili — heta naładzili adnosiny, kab zabiaśpiečyć adkrytaść kanałaŭ kamunikacyi, kab pierakanacca, što ŭsie našy pasłańni pieradajucca prezidentu Pucinu. U hetym i była pryčyna. My spačatku nie išli tudy, kab vyzvalić palityčnych źniavolenych», — skazaŭ jon.
Kiełah padkreśliŭ, što pośpiech u vyzvaleńni niekatorych palitviaźniaŭ — heta stanoŭčy bok, ale «ahulnaja meta hetaha nie była ŭ vyzvaleńni palityčnych źniavolenych — ahulnaja meta była [znajści] najlepšy sposab urehulavać vajnu pamiž Ukrainaj i Rasijaj».
Jon skazaŭ, što ZŠA zasiarodzili ŭvahu na tym, kab «pasłańni, jakija pieradajucca Uładzimiru Pucinu, supadali z tymi, što iduć inšymi kanałami».
«Mnie ŭsio roŭna, ci heta Kiryła Dźmitryjeŭ, ci heta Juryj Ušakoŭ [pradstaŭniki Pucina], ci heta Łukašenka. Hałoŭnaje — pierakanacca, što hetyja pasłańni dachodziać», — skazaŭ jon.
Jon taksama adznačyŭ, što ZŠA nie naiŭnyja adnosna režymu Łukašenki i «my viedajem, što kali jon vyzvalaje adnaho [palitviaźnia], to, vierahodna, zatrymlivaje jašče dvuch».
Kiełah taksama dadaŭ, što pahadnieńnie ź Biełaruśsiu ŭklučała dapamohu dziaržaŭnaj avijakampanii «Biełavija» ŭ ramoncie ich samalotaŭ, bo «pažadana, kab ich samaloty nie padali ź nieba», ale z vyraznym akcentam: «Jany nie pavinny vykarystoŭvać ich dla «złačynnych metaŭ» i dla pieravozki mihrantaŭ u Jeŭropu».
«Heta — sutnaść spravy», — dadaŭ jon.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary