Krainy ES nie zdoleli damovicca pra vykarystańnie zamarožanych reziervaŭ Rasii dla dapamohi Ukrainie
Niekatoryja krainy Jeŭrasajuza chacieli b da kanca hoda ŭzhadnić vykarystańnie zamarožanych rasijskich reziervaŭ dla finansavaj padtrymki Ukrainy. Adnak Bielhija, jakaja na sustrečy lidaraŭ ES u sieradu vystaviła ŭmovy ab padziele ryzyk u miežach prapanavanaha Jeŭrakamisijaj płanu, pieraškodziła pryniaćciu ahulnaha rašeńnia. U vyniku ES nie zmoh uzhadnić ahulny padychod, tamu Jeŭrakamisija, chutčej za ŭsio, nie paśpieje padać aficyjnuju prapanovu ŭ zapłanavanyja try tydni, piša Financial Times sa spasyłkaj na troch infarmavanych čynoŭnikaŭ.
Pavodle płana Jeŭrakamisii, prapanujecca vykarystoŭvać kala 140 miljardaŭ jeŭra bieź jurydyčnaj kanfiskacyi rasijskich srodkaŭ.
Bielhijski premjer Bart de Vievier nazvaŭ hety płan «vialikaj avanturaj», bo jon patrabuje abaviazkovaha padziełu ryzyk pamiž krainami ES, a taksama nadańnia praciahłych harantyj na vypadak prablem. Francyja i Luksiemburh taksama źviartajuć uvahu na jurydyčnyja pytańni: nielha prosta zabrać srodki, jakija naležać inšaj dziaržavie.
Pavodle prapanavanaha miechanizmu, kali Rasija nie vypłacić reparacyi, Ukraina nie pavinna budzie addavać hety kredyt. U vypadku nieabchodnaści viartańnia srodkaŭ u spravu ŭstupajuć harantyi krain ES, jakija buduć dadzienyja depazitoryju Euroclear, dzie zaraz znachodziacca rasijskija reziervy.
Prezident Francyi Emanuel Makron taksama vykazaŭsia suprać kanfiskacyi zamarožanych aktyvaŭ, padkreśliŭšy nieabchodnaść pavahi da mižnarodnaha prava. Płan Jeŭrakamisii prapanuje zamianić srodki na rasijskim rachunku harantyjami krain ES, technična nie praduhledžvajučy kanfiskacyju.
Jeŭrakamisija i krainy ES damovilisia praciahnuć pracu nad pytańniem, adnak uzhadnieńnie ahulnaha miechanizmu pa vypusku ablihacyj moža być zabłakavanaje Vienhryjaj i Słavakijaj.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
Vot po etoj pričinie, ni v odno finansovoje učrieždienije vašiej strany, nie raźmiestiat svoi sriedstva uvažajemyje ludi, koniečno kromie siepiekulantov i banditov.