Achviaraj złačyncy stała 54‑hadovaja minčanka, uładalnica prestyžnaj inšamarki, jakaja davieryła svoj BMW chłopcu, što abiacaŭ jaho pradać. U jakaści zakładu jon pakinuŭ joj 1000 dołaraŭ ZŠA i skryn svajho pašparta.
Usio pačałosia z abjavy ab prodažy BMW. Nieŭzabavie źjaviŭsia patencyjny pakupnik, jaki nazvaŭsia Arciomam. Jon vykazaŭ cikavaść da prapanovy nibyta dla svajoj 17‑hadovaj siastry, ale zajaviŭ, što košt aŭtamabila zavyšany, piša SK.
Nieŭzabavie małady čałaviek znoŭ vyjšaŭ na suviaź i prapanavaŭ samomu zaniacca prodažam mašyny. Žančyna vyrašyła davierycca jamu. Kab umacavać davier, jon prapanoŭvaŭ joj paralelna padšukvać novyja darahija aŭto pa prymalnaj canie i navat prapanoŭvaŭ svaje pasłuhi kiroŭcy.
U vyniku, u kancy maja padčas sustrečy ŭ Minskim rajonie, haspadynia pieradała machlaru klučy ad BMW, usie dakumienty na aŭto, a taksama kamplekt letniaj humy. U jakaści paćviardžeńnia svajoj sumlennaści jon dasłaŭ žančynie fota svajho pašparta i napisaŭ raśpisku, paabiacaŭšy viarnuć hrošy za pradadzienuju mašynu abo viarnuć aŭtamabil nie paźniej za 28 maja.
Adnak praź niekatory čas telefon złamyśnika akazaŭsia vyklučanym. Žančyna zastałasia biez aŭtamabila i biez hrošaj.
Zaviedziena kryminalnaja sprava za machlarstva ŭ asabliva bujnym pamiery. Chłopca pakul nie znajšli.
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary