Jašče adzin teatr, jaki pracavaŭ tolki na biełaruskaj, staŭ stavić śpiektakli pa-rusku
Viciebski teatr «Lalka», jaki da hetaha pracavaŭ tolki na biełaruskaj movie, staŭ stavić śpiektakli pa-rusku. 25 kastryčnika 2025 hoda tam adbyłasia premjera pastanoŭki «Dziaŭčynka i miadźviedź», što idzie pa-rusku, piša «Lusterka».
Śpiektakl pastaviła aktrysa Darja Zimnickaja, jakaja niadaŭna stała mastackim kiraŭnikom teatra.
Teatr «Lalka» byŭ stvorany ŭ 1986-m. Z taho času hetuju pasadu zajmaŭ Viktar Klimčuk, pry jakim śpiektakli stavilisia tolki na biełaruskaj movie. U 2024‑m jamu pryjšłosia syści sa svajoj pasady. Jak paviedamlali redakcyi krynicy, Klimčuka abvinavacili ŭ nievykanańni płanaŭ, jakija stajać pierad teatram. Pry hetym za hetuju zadaču niasie adkaznaść nie mastacki kiraŭnik, a dyrektar kalektyvu. Klimčuku vynieśli vymovu, što i pryviało da jaho sychodu.
Da premjery śpiektakla «Dziaŭčynka i miadźviedź» siarod 28 prafiesijnych teatraŭ Biełarusi ŭsiaho čatyry pracavali vyklučna na biełaruskaj movie. Kupałaŭski i RTBD (u Minsku), Kołasaŭski i «Lalka» (u Viciebsku). Ciapier takich teatraŭ zastałosia try.
Akramia taho, u žniŭni 2025‑ha pra płany stavić śpiektakli i na ruskaj zajavili ŭ RTBD. U vypadku realizacyi hetaj idei ŭ krainie zastaniecca ŭsiaho dva biełaruskamoŭnyja kalektyvy.
Kamientary
Našaja, ruskaja mova była dziaržaŭnaju, tolki kali my byli Litvoju. Vysnovu zrobicie sami, ci dapamahčy?