Udzielnik čelendžu Mełstroja pryciahnuŭ na nabiarežnuju ŭ Homieli aŭtamat z cackami i ŭźlez na jaho. Im zacikavilisia siłaviki
Milicyja praciahvaje šukać udzielnikaŭ čelendžu treš-błohiera, jakija adroźnivajucca «nieadekvatnymi pavodzinami» — niekatorych užo zatrymali.
Pra pravaparušeńni, źviazanyja z hetym «konkursam», paviedamili ŭ UUS Homielskaha abłvykankama, zaŭvažyła vydańnie «Silnyje Novosti».
Choć jakija mienavita dziejańni ličacca niezakonnymi nie ŭdakładniajecca, paviedamleńnie supravadžajecca videanarezkaj, dzie maładyja ludzi z płakatami zdymajuć siabie ŭ roznych častkach horada i navat u hramadskim transparcie.
Samaj ekstravahantnaj vychadkaj staŭ epizod, na jakim bačna, jak chłopiec šturchaje aŭtamat z cackami na nabiarežnuju Saža i ŭźbirajecca na jaho. My adšukali hety rolik na kanale bootsik.by, jaki handluje spartyŭnymi butsami ŭ Biełarusi.
U milicyi papiaredzili, što praciahvajuć manitoryć sacsietki ŭ pošukach rolikaŭ z «nieadekvatnymi pavodzinami» i abiacajuć pryciahvać da adkaznaści ŭdzielnikaŭ, kali tyja parušajuć hramadski paradak.
Miarkujučy pa kadrach, apublikavanych siłavikami, niekatorych užo zatrymali. Adzin z chłopcaŭ na videa pryznaŭsia, što «nie viedaŭ, što parušaje zakon». Jakija miery da jaho prymianili, pakul nie paviedamlajecca.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary