Pierastaŭ adkryvacca sajt ź imionami i adrasami siłavikoŭ, zadziejničanych ŭ represijach
Prajekt Blackmap.org stvaraŭsia dziakujučy źlivam «Kibierpartyzan» i vykarystoŭvaŭsia dla taho, kab identyfikavać ludziej, vinavatych u represijach. Adnak ciapier jon nie pracuje — «Lusterka» daviedałasia čamu.
U apisańni prajekta havaryłasia, što jaho meta — «identyfikavać i pakarać usich vinavatych u represijach nad svabodnymi hramadzianami Biełarusi». Stvaralniki sajta Blackmap.org adznačali, što jon «nie dazvolić nivodnamu vinavatamu syści ad adkaznaści i pakarańnia, usie buduć ustanoŭlenyja, znojdzienyja i addanyja zakonnamu sudu novaj Biełarusi».
Taksama na karcie byli dadzienyja tych, chto telefanavaŭ u milicyju z skarhami i danosami na ŭdzielnikaŭ pratestaŭ ci pakidaŭ elektronnyja zvaroty ŭ KDB.
Akramia taho, na «čornaj karcie» paznačyli bajcoŭ «PVK Vahniera» i biełarusaŭ, jakija vajujuć va Ukrainie ŭ składzie rasijskaj armii, imiony jakich stali viadomyja dziakujučy inicyjatyvie «Chaču žyć».
Adnak ciapier resurs nie adčyniajecca. Danyja novaj uciečki «Kibierpartyzany» dadali tolki ŭ telehram-bot «Voka Zmahara», ale nie na sajt.
«Pracujem i ŭ ahladnaj budučyni pracazdolnaść resursu (ci, moža, navat usiaho prajekta) adnovim. Patrebny čas», — pieradała słovy stvaralnika prajekta pradstaŭnica «Kibierpartyzan» Juljana Šemietaviec.
Pa jaje słovach, pryčyna prypynieńnia pracy sajta — niedachop finansavych resursaŭ. Inicyjatyva aceńvaje hadavyja patreby prajekta tak: 20 tysiač dalaraŭ ZŠA, kab «vyžyć», 100 tysiač — kab «žyć i raźvivacca».
«20 tysiač — heta prosta siervier (soft plus licenzii roznyja) plus sisadmin (na 0,25−0,5 staŭki). Dla žyćcia i raźvićcia treba jašče mieć abstalavańnie i ludziej, jakija b apracoŭvali zapyty (prybrać/dadać), ich vielmi šmat prychodzić, plus pošuk, apracoŭka i analiz źviestak, plus zabieśpiačeńnie poŭnaha cykłu biaśpieki sajta», — patłumačyła žurnalistam «Lusterka» Šemietaviec.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary
jakija licenzii, majskł i linuks??
što tam rabić 40 hadzin kožny miesiac?
ja ŭ siabie na telefonie mahu hety sajt chościć i raz na miesiac zalivać novyja danyja biaspłatna