Hałoŭny trend siezona — bajkierskija boty. Jany viarnulisia, kab dadać upeŭnienaści i krychu buntarstva navat samym strymanym vobrazam. Raskazvajem, jak nasić ich i što jość u biełaruskich kramach.
Kaliści bajkierskija boty byli vyklučna praktyčnaj rečču — častkaj vajskovaha ryštunku ci ekipiroŭki matacyklistaŭ. Ale pastupova jany pieratvarylisia ŭ simvał buntarstva, niezaležnaści i admietnaha stylu. U siaredzinie XX stahodździa jany stali viadomymi dziakujučy kino. Z taho času bajkierskija boty tryvała zamacavalisia i ŭ modzie, i ŭ masavaj kultury.
Siońnia jany znoŭ na chvali papularnaści.
Masiŭnaja padešva, ramiani, mietaličnyja elemienty i lohkaja hrubavataść robiać hety abutak idealnym dla vosieni i zimy — jon i zručny, i nadaje vobrazu ŭpeŭnienaści.
Voś jakija varyjanty hetaj madeli prapanujuć biełaruskija kramy:
Bajkierskija boty lohka spałučajucca z adzieńniem roznych siezonaŭ. Voś šeść sposabaŭ ich nasić, jakija rekamienduje Vogue (niekatoryja z varyjantaŭ padkažuć, jak nasić hety abutak i paśla chaładoŭ).
1. Trenč i lohkaja sukienka
Biełaja abo małočnaja mini-sukienka ŭ spałučeńni z vysokimi bajkierskimi botami vyhladaje asabliva stylna, kali źvierchu nadzieć ciomny trenč. Vobraz atrymlivajecca kantrasny i haradski — idealny dla mižsiezońnia.
2. Karotkija šorty i ciopły śvitar
Dla bolš niefarmalnaha nastroju pasprabujcie nasić boty z šortami, lohkaj kašulaj i šerym śvitaram z V-padobnym vyrazam. Kali nadzieć prazrystyja kałhotki i soniečnyja akulary, atrymajecca idealny vosieński kamplekt dla špacyru pa horadzie.
3. Spadnica ŭ kletku i palito
Bajkierskija boty niečakana dobra siabrujuć z vobrazami ŭ akademičnym styli. Śmieła apranajcie ich sa spadnicaj u kletku, ščylnymi kałhotkami i ciopłym palito ci prostaj kurtkaj z nakładnymi kišeniami. Taki kamplekt — heta kłasika, jakoj dadali sučasnaha buntarskaha nastroju.
4. Ramantyčnaja midzi-sukienka i zamšavaja kašula
Kali chočacie pahulać z kantrastami, spałučycie dalikatnuju midzi-sukienku z bajkierskimi botami. Źvierchu možna nadzieć zamšavuju kašulu-kurtku ciopłaha koleru. Heta spałučeńnie ramantyčnaści i rašučaści — jakraz toje, što robić vobraz zapaminalnym.
5. Spartyŭnaja kurtka i trenirovačnyja štany
Bajkierskija boty pasujuć i da spartyŭnaha vobraza. Naprykład, spałučajcie ich ź miakkaj spartyŭnaj zip-kurtkaj i trenirovačnymi štanami. Heta niečakana, ale vyhladaje sučasna i dadaje «žorstkaści» zvyčajnamu štodzionnamu vobrazu.
6. Skuranaja kurtka i ciomnyja džynsy
Kłasika, jakaja nikoli nie padvodzić. Čornaja skuranaja kurtka, ciomna-sinija abo čornyja džynsy i prosty śvitar — vobraz, jaki pieranosić «bajkierski» nastroj u paŭsiadzionnaść. Kali chočacie zrabić jaho bolš «haradskim», abiarycie śvitar koleru vina abo ščaŭja.
Kamientary