Litva adnaviła pracu aeraporta i adkryła pamiežnyja pierachody ź Biełaruśsiu
U subotu a 22:45 pamiežnyja punkty propusku «Miedzininkaj» i «Šalčyninkaj» byli časova zakrytyja, a praca aeraporta Vilni spynienaja praz pavietranyja šary, što prylacieli ŭ Litvu ź Biełarusi.
Uviečary ŭ subotu ŭ pavietranaj prastory byli vyjaŭleny nieviadomyja abjekty, z-za jakich avijaruch u Vilenskim aeraporcie prypynili da 2:00 niadzieli. Pavodle papiarednich źviestak, heta mahli być mietearałahičnyja zondy, zapuščanyja z terytoryi Biełarusi i pryznačanyja dla kantrabandy.
Praca pamiežnych punktaŭ adnaviłasia a 2‑j nočy.
A pavietranaja prastora nad Vilenskim aeraportam była adkryta ŭ 3:30 ranicy.
Z-za časovych abmiežavańniaŭ, jakija zakranuli jak rejsy, što prybyvali, tak i rejsy na vylet, paciarpieli kala 3 500 pasažyraŭ i 25 rejsaŭ, u tym liku 7 rejsaŭ byli pieranakiravanyja, a 4 rejsy — admienieny.
Ciaham dnia mohuć adbyvacca zatrymki z-za parušanaj ratacyi samalotaŭ i ekipažaŭ, paviedamlaje pres-słužba aeraporta.
Pasažyram, čyje rejsy byli admienieny, rekamiendujecca nie pryjazdžać u aeraport i źviartacca niepasredna da svaich avijakampanij dla dalejšaj infarmacyi.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary