Biełaruski rubiel — u kancy śpisa.
Za pieršaje paŭhodździe 2025 hoda ŭ bankaŭskaj sistemie Biełarusi vyjavili i kanfiskavali 278 padroblenych hrašovych znakaŭ — 277 banknot i adnu manietu. Heta na 14% mienš, čym za anałahičny pieryjad minułaha hoda.
Absalutnym lidaram siarod falšyvak zastajecca dołar ZŠA, na jaki pryjšłosia 90% usich vyjaŭlenych vypadkaŭ.
Na druhim miescy — rasijskija rubli (6%), na trecim — jeŭra (3,6%). Biełaruski rubiel zajmaje tolki 0,4% u ahulnaj statystycy.
Najbolšaja kolkaść padroblenych hrošaj, a mienavita 56,1%, była vyjaŭlena ŭ Minsku.
Siarod padroblenych dołaraŭ bolšaść — kupiury vysokaha naminału:
100 dołaraŭ — 72% padroblenych dołaraŭ; 50 dołaraŭ — 27,2%. Kolkaść falšyvych «piacidziasiatak» vyrasła ŭ 2,2 raza.
Časta sustrakajucca tak zvanyja «častkovyja padrobki» (kupiury nizkaha naminału, pieraroblenyja ŭ bolš vysoki), a taksama «supierpadrobki» — 100‑dołarovyja kupiury, jakija vyznačajucca vysokaj jakaściu.
Siarod rasijskich rubloŭ daminujuć 5000‑rublovyja falšyvyja kupiury (88,2%), a siarod jeŭra — 50 jeŭra (60%).
Bolšaść padroblenych dołaraŭ (89%) vyrablena z vykarystańniem palihrafičnych technałohij, što patrabuje dobra abstalavanych majsterniaŭ. Dla vyrabu falšyvych biełaruskich i rasijskich rubloŭ čaściej vykarystoŭvalisia bolš dastupnyja technałohii strumienievych i łaziernych pryntaraŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary