Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić
Łukašenka siońnia pravioŭ naradu z uradam pa ekanamičnych pytańniach.
Łukašenka čarhovy raz źviarnuŭ uvahu, što ŭ krainie «lišnich» hrošaj niama.
«I kali my niejkaj katehoryi našaha hramadstva akazvajem dapamohu i padtrymku, my pavinny razumieć, što heta — za košt tych, chto pracuje, — padkreśliŭ Alaksandr Łukašenka. — Ja chaču, kab vy hetuju fiłasofiju razumieli, unosiačy prapanovy na moj uzrovień. Ja vam adkryta heta skazaŭ. I niachaj ludzi, pačuŭšy mianie, aceńvajuć heta, jak ličać patrebnym».
Kolkaść pracoŭnych u krainie ciapier — kala 4 miljonaŭ čałaviek. «Chutka hetyja 4 miljony pracoŭnych sahnucca, na karački stanuć i buduć cielapacca. My im nie zmožam narmalnuju zarpłatu płacić. Chto budzie pracavać? Adkul voźmiem hrošy?» — praduhledzieŭ Łukašenka niehatyŭny scenar.
«U nas hetyja lhoty niama čym ilhatavać. A tyja, chto siońnia pracuje, vy što, hatovyja sa svajoj zarpłaty pałovu ŭziać i addać na lhoty kamuści? Nie hatovyja, — dadaŭ Alaksandr Łukašenka. — Davajcie viartacca da realij siońniašniaha dnia i razumieć, čaho heta (zabieśpiačeńnie ilhot i dziaržpadtrymki. — NN) kaštuje».
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»6
Kamientary