Raniej muziej viadomaj biełaruskaj paetki, jakaja pachodziła z tych miaścin, byŭ u škole ŭ vioscy Parečča, u jakoj Jaŭhienija Janiščyc vučyłasia ŭ 9‑10 kłasach. Adnak ciapier hetuju škołu zakryli, a sabranyja muziejnyja ekspanaty stali pa sutnaści nikomu nie patrebnyja, paviedamiła ŭ sacsietkach piśmieńnica Aksana Sprynčan.
Paśla zakryćcia škoły ekspanaty skłali ŭ skrynki i advieźli ŭ Pinskuju rajonnuju biblijateku, dzie jany ciapier i stajać.
Pry hetym, jak śćviardžajecca, Mierčycki etnahrafičny muziej, jaki znachodzicca ŭ byłoj škole, dzie Janiščyc vučyłasia ŭ 5—8 kłasach, admoviŭsia ŭziać hetyja ekspanaty da siabie, choć maje prastornyja pamiaškańni. Bolš taho — u hetym muziei nibyta niama navat partreta znakamitaj ziamlački.
Jaŭhienija Janiščyc (1948—1988) — biełaruskaja paetka i pierakładčyca. Naradziłasia ŭ vioscy Rudka na Pinščynie, z rańniaha dziacinstva zachaplałasia paezijaj, drukavacca pačała jašče školnicaj. Skončyła fiłfak BDU, pracavała ŭ hazietach i časopisach, była viadomaj i pryznanaj paetkaj. Pavodle słoŭ Vasila Bykava, «Ženia była samaja talenavitaja z usich samych talenavitych paetes Biełarusi, samaja cnatlivaja i daskanałaja». U 1988 hodzie skončyła žyćcio samahubstvam, skočyŭšy z akna šmatpaviarchovika ŭ Minsku.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju1
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary