Zajazdžaje ci nie? Aŭtobusny pieravozčyk zabłytaŭ biełarusaŭ z-za prypynku ŭ vilenskim aeraporcie
U adnym z pamiežnych čataŭ biełarusy paskardzilisia na rejs aŭtobusnaha pieravozčyka Eurolines ź Vilni ŭ Minsk a 9‑j ranicy. Niekatorym u słužbie padtrymki pieravozčyka adkazali, što aŭtobus bolš nie zajazdžaje ŭ aeraport paśla vyjezdu z aŭtavakzała. Pry hetym biełarusy pišuć u čatach, što hety rejs u aeraport usio ž zajazdžaje, i pieravozčyk paćviardžaje heta na svaim sajcie. U vyniku atrymałasia błytanina, piša BGMedia.
Ci spyniajucca aŭtobusy Eurolines u aeraporcie Vilni?
Prablemaj u adnym z pamiežnych čataŭ padzialiłasia Taćciana. Jana prymacavała da paviedamleńnia skrynšot adkazu słužby padtrymki Eurolines na anhlijskaj movie. U im havorycca, što aŭtobus nie spyniajecca ŭ aeraporcie, a adpraŭlajecca tolki ad aŭtavakzała.
A voś i sama skarha žančyny:
«Znoŭ chaču paskardzicca na padtrymku Eurolines. Na moj mejł ź biletam Vilnia — Minsk na 09.00 14 kastryčnika i skrynšotam maršrutu aŭtobusa, dzie paznačana, što ŭ 09.12 aŭtobus spyniajecca ŭ aeraporcie, mnie adkazali, što prypynku ŭ aeraporcie niama. Voś što heta za škodnictva takoje?! Jany sapraŭdy nie zachodziać u aeraport bolš? Chto jeździŭ niadaŭna Vilnia — Minsk na aŭtobusach Eurolines na 09.00 abo inšy dzionny čas, adpišyciesia, kali łaska, ci zachodziŭ aŭtobus u aeraport?»
Biełarusy adhuknulisia na skarhu i padzialilisia svaim dośviedam. Aŭtobus hetaha pieravozčyka spyniajecca ŭ aeraporcie:
«Dobry dzień, jeździła hetym aŭtobusam 4 kastryčnika, jon zajazdžaŭ u aeraport»;
«Siońnia [11 kastryčnika] aŭtobus Vilnia — Minsk na 09.00 ad vakzała ŭ 09.12 byŭ u aeraporcie».
Adnoj z žančyn heta paćvierdziła słužba padtrymki: «Heta ich adkaz na anałahičnaje pytańnie».
Tak situacyja stała jašče bolš zabłytanaj. Bo na sajcie Eurolines paznačana, što aŭtobus, jaki adpraŭlajecca a 9‑j ranicy, zajazdžaje ŭ aeraport i vyjazdžaje adtul u 09.12. Hety rejs vykonvajecca štodnia.
Aŭtobusy Eurolines ź listapada pierastanuć zajazdžać u aeraport Vilni?
Biełarusy ŭ pamiežnych čatach sprabujuć rastłumačyć hetuju błytaninu.
Adnoj ź dziaŭčat u słužbie padtrymki adkazali, što ź listapada aŭtobusy Eurolines nie buduć zajazdžać u aeraport Vilni:
«Nie viedaju, jak ciapier, ale mnie ŭ padtrymcy adkazali, što ź listapada ŭ aeraport aŭtobusy zajazdžać nie buduć. Prasiła ich pieranieści 02.11 pasadku z aŭtavakzała na aeraport».
«Dziŭna, navošta im naohuł heta spatrebiłasia».
Inšyja taksama vykazvajuć viersii, što ź listapada Eurolines nie budzie zajazdžać u aeraport:
«Napeŭna, vy kuplali daŭno svoj bilet, tamu što ciapier jany nie pradajuć kvitki z pasadkaj u aeraporcie na svaim sajcie.
Na Infobus [sajt pa prodažy kvitkoŭ] jość kvitki Eurolines z aeraporta tolki na 5 ranicy, ale inšych ich rejsaŭ niama ŭ prodažy z aeraporta. Choć heta nie admianiaje faktu, što aŭtobusy Eurolines pa-raniejšamu zachodziać u aeraport (pa vodhukach tut u supołcy)».
«Mahčyma, jany płanujuć u budučyni prybrać pasadku pasažyraŭ u aeraporcie, tamu ciapier adkazvajuć takim čynam usim i nie pradajuć kvitki z aeraporta.
Kali chtości raniej jašče paśpieŭ uziać kvitki z aeraporta na daty ŭ kastryčniku-listapadzie, to jany abaviazanyja zachodzić i zabirać pasažyraŭ. Ale heta tolki maje zdahadki. Mahčyma, kiroŭcy Eurolines viedajuć bolš, kali chto-niebudź zadaść im takoje pytańnie».
«I ŭ mianie takija zdahadki. Bilet kuplała ŭ pieršych čysłach vieraśnia i ŭžo z aeraporta kvitkoŭ nie było. Z aeraporta z čamadanam zručna było vyjazdžać, ale pryjdziecca jechać na aŭtavakzał. Za paru dzion da vyjezdu napišu jašče raz u padtrymku».
Prosta ciapier na sajcie Eurolines možna kupić kvitok z vyjezdam z aeraporta Vilni ŭ Minsk u 09.12 u listapadzie. Ale tam paznačana, što kvitok nie pradajecca praź internet.
U pres-słužbie Eurolines pakul błytaninu nie kamientavali.
Pieravozčyki źnižajuć ceny na kvitki na aŭtobusy ŭ Polšču i Litvu
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar
«Užo sił niama hladzieć na hetyja ceny». Biełarusy skardziacca na košt aŭtobusnych biletaŭ u Litvu
Biełaruska pierad vyletam ź Vilni zabyłasia dakumienty ŭ aŭtobusie ź Minska. Jak skončyłasia historyja
«Pad zapis na kamieru zadavali pytańni, skanavali telefon, pierapisku». Jak ciapier prachodziać dopyty na miažy Biełarusi
Ciapier čytajuć
Źnikłuju ŭ Mjanmie Vieru Kraŭcovu znajšli miortvaj4
Kamientary